VOV4.K’ho- Tàm Hìu duh broă Đảng Dà lơgar dê, ồng Nguyễn Phú Trọng, Tổng Bí thư Đảng dà lơgar wa\ rò ồng Thongloun Sisoulith, Thủ tướng Chính phủ lơgar Lào di dơ\ ồng lòt Pơrjum Cribơyai Lơh sa Dunia bè ASEAN nam 2018 tàm Việt Nam.

Tổng Bí thư đơs niam ngan cồng nha lơh broă bal đah 2 Chính phủ tàm tơngai lài, cồng nha ală dơ\ tìp mat đah 2 nă Thủ tướng Chính phủ dê tàm tơngai rềp ndo mờ sồr bàr Chính phủ pơgồp bal sồr ală bộ, gah sơnah lơh broă dà lơgar, ală càr, [òn dờng, mpồl lơh sa kă bro rơcang lài jơh nùs pơgồp bal lam lơh jat geh cồng nha ală jơnau ring bal kấp kuang bàng dờng màng đah kuang đơng lam bồ 2 đảng, 2 dà lơgar, ală hiệp định lơh broă bal đah 2 chính phủ mờ ală broă lơh, broă rơndăp lơh lơh broă bal đah 2 gah; tơrgùm tă bơsong ală kal ke kòl yan nàng tơnguh uă cồng nha lơh broă bal tàm ală gah broă lơh, ngan là bè lơh sa, bơcri priă, kă bro; jơh nùs, rơcang lài ai dơ\ pơrjum dơ\ 41 Ủy ban đah 2 chính phủ Việt Nam mờ Lào in.

Cau mblàng Lơ Mu K’Yến