VOV4.K’ho- Ngai 18/6/2021, tàm Hìu duh broă Đảng Dà lơgar, ồng Nguyễn Phú Trọng- Tổng Bí thư Đảng dà lơgar neh đơng lam pơrjum Bộ Chính trị, pơrjum Ban Bí thư nàng sền swì, lơh glài Ban Thường vụ Tỉnh ủy Bình Dương, tơngai lơh broă bơh nam 2015- 2020, Mpồl kuang bàng đơng lam Đảng Ủy ban Nhân dân càr Bình Dương, tơngai lơh broă bơh nam 2016- 2021 mờ bàr pe nă kuang bàng là kuang đơng lam bồ, lài do là kuang đơng lam bồ càr Bình Dương.

Ban Thường vụ Tỉnh ủy Bình Dương tơngai lơh broă bơh nam 2015- 2020 lơh tìs bơta pal jăt tơrgùm bal làng bol lơh tờm mờ Kơrnoat lơh broă bơh Tỉnh ủy dê; khăt bè lời ờ đơng lam, sồr lơh, ờ gŏ lòt sền, sền gròi, lời bàr pe mpồl đảng mờ đảng viên lơh tìs ală jơnau sồr bơh Đảng dê, kơrnoat boh lam bơh Dà lơgar dê bè ătbồ, ngui ù tiah, priă jền, jơtài bơh Đảng, Dà lơgar dê tàm Tổng Công ty Lơh gơlik mờ Kă bro phan mờ lơgar ndai Bình Dương (Tổng Công ty 3/2) gơwèt Tỉnh ủy Bình Dương, lơh gơlik jơnau gơlời wơl kơn jơ̆ ngan, hoàc hươr kes priă dà lơgar dê.

Bộ Chính trị lơh nền lơh glài Ban Thường vụ Tỉnh ủy Bình Dương tơngai lơh broă bơh nam 2015- 2020 bơh broă lơh bơto tơngkah mờ geh kơrnoat lơh glài mờ broă lơh tơn jơh ăt gơnoar broă gơwèt mờ bàr pe nă cau dùl nă să is geh gơrềng tus dơ̆ broă do.

Cau mblàng Lơ Mu K’Yến