VOV4.K’ho- Drim ngai 11/6, bơh bơta đơng lam bơh ồng Nguyễn Phú Trọng Tổng Bí thư dê, Bộ Chính trị neh pơrjum ai jơnau đơs bè bơta rcang sơndră kòp Covid-19. Đơs pơn dŭt tàm dơ̆ pơrjum, ồng Nguyễn Phú Trọng đơs ngan, tềng đap bơta gơlik geh kal ke bơh kòp Covid-19 dê, Kuang đơng lam bồ Đảng, Dà lơgar, Mpồl đơng lam dà lơgar rcang sơndră kòp Covid-19 neh rcang lài đơng lam, kờp sền, lơh ngan jơh nùs, hòi jà jơh ală anih lơh broă chính trị mut lơh bal mờ lơh jat ală broă lơh pràn kơl dang, lơh ngan nàng kơryan kòp.

Tổng Bí thư ồng Nguyễn Phú Trọng đơs tàm dơ̆ pơrjum

Tổng Bí thư sồr, Mpồl đơng lam Đảng Chính phủ, Đảng mpồl Quốc hội, Mpồl đơng lam dà lơgar rcang sơndră kòp Covid-19, ală Bộ, gah sơnah lơh broă, ală tiah pơn jat tai tơrgùm uă ngan rlau jơh ai broă lơh rcang sơndră kòp. Tổng Bí thư đơs loh, bañ sền ờ sơ̆p mờ ờ kơrhia, roh bơta rcang sền ngăc, hừ nùs mờ ală cồng nha bơh sơnrờp neh lơh geh, pơn jat tai rcang lài ală gùng dà, broă lơh nàng di tŭ rcang sơn dră mờ tơl bơta digơlan gơlik geh.

Cau mblàng K’Hạnh