VOV4.K’ho- Tàm ngai tĕ khà hơ̆ là ngai 23/5 tus, ồng Nguyễn Xuân Phúc- Chủ tịch lơgar geh lòt đùh sră tàm kơnhoàl Củ Chi, ƀòn dờng Hồ Chí Minh. Do là jơnau geh cau ala măt Ủy ban Tĕ khà kơnhoàl Củ Chi dê yal tàm dơ̆ pơrjum dơ̆ 13 bơh Ủy ban Tĕ khà ƀòn dờng Hồ Chí Minh dê geh lơh tàm mho ngai 18/5. Jăt Ủy ban Tĕ khà kơnhoàl Củ Chi dê yal, tàm drim ngai 23/5, anih Chủ tịch lơgar đùh sră là tàm tiah drà 7, thị trấn Củ Chi, kơnhoàl Củ Chi. Ală mpồl kuang àng, ling klàng neh geh jàu lơh kơnòl broă loh làng tàm anih Chủ tịch lơgar đùh sră.

Gơwèt mờ broă đùh sră tàm Hìu sơnơm ing Củ Chi, kơnhoàl geh cèng thùng sră pồ tus, bơtơl tơl mpồl đùh sră 2 nă y tá, bác sĩ ơm tàm dơlam nàng lơh broă lơh kờp sră pồ. Cau tĕ khà geh pà gai cih, gai was ngui dùl dơ̆. Tàm ƀòn dờng Hồ Chí Minh, ồng Nguyễn Xuân Phúc- Chủ tịch lơgar là cau tơlik măt tĕ khà kuang bàng Quốc hội khoá XV anih sồ 10 (kơnhoàl Củ Chi mờ Hóc Môn).

Cau mblàng Lơ Mu K’Yến