VOV4.K’ho – Drim òr 13/11, tàm Hà Nội, Anih duh broă kòn cau dà lơgar bơyai lơh Pơrjum pờ tơn tàm internet tơn jơh 10 nam mu\t lơh Kơrnoat sồr sồ 06 bơh Kuang gơs gơnăp gơnoar atbồ hơđang rlau jơh dà lơgar dê bè broă pơn jat tai lơh pràn bơtàu tơnguh lơh sa- mpồl bơtiàn, sền gàr lơngăp lơngai rơndăp tăp sèng ờdo ờdă tus mờ làng bol kòn cau Prum tàm tu\ tơngai pa. Tàm dơ\ pơrjum, ồng Nguyễn Xuân Phúc kuang jat jơng gơs gơnăp gơnoar atbồ hơđang rlau jơh dà lơgar đơs loh bàr pe bơta gam ờ hềt pràn jak tàm tu\ mu\t lơh Kơrnoat sồr sồ 06 tàm tơngai lài, bè cồng nha tơrmù r[ah tàm tiah làng bol kòn cau tàm bàr pe tiah ờ hềt kơ\ kơl jăp, lơh sa bơtàu tơnguh ờ hềt ndrờm pal mờ bơta pràn jak, broă sền gàr bơta chài rơgơi bơhiàn bơh yau bơh làng bol kòn cau dê kung gam uă bơta ờ hềt niam…Ồng Nguyễn Xuân Phúc sồr: Ală Gah, sơnah lơh broă dà lơgar mờ ală tiah pơn jat tai mu\t lơh geh cồng nha gùng dà broă lơh bơh Đảng mờ kơrnoat boh lam dà lơgar dê, ngan là Kơrnoat sồr sồ 49 bơh Mpồl đơng lam Đảng Dà lơgar dê bè sơlơ tơnguh tai, tam gơl pa broă lơh lam sồr làng bol bơh Đảng dê tàm tiah làng bol kòn cau. Ală tiah kờn pal mu\t lơh kràn cê jơh nùs ală broă lơh jơnau kờn dà lơgar tàm tiah he dê, ai lài priă jền drơng bơtàu tơnguh lơh sa, lơh pràn bơto ngui bơta jak chài pa, đòm jat bơta jak chài pa nàng làng bol cau Prum geh priă jền bơcri bơtàu tơnguh, kơ\ kơl jăp rài kis.

          Cau cih mờ yal tơngi\t- Lơ Mu K’ Yến