VOV4.K’ho- Kung tàm dơ\ lòt Pơrjum Kuang bàng dờng màng G7 rề ơnàng mờ còp lơgar Canada, ồng Nguyễn Xuân Phúc, Thủ tướng Chính phủ neh geh dơ\ cribơyai broă mờ ồng Justin Trudeau, Thủ tướng lơgar Canada.

Ồng Justin Trudeau đơs ngan, Việt Nam là cau lơh broă bal kuơmàng bơh lơgar Canada dê tàm tiah do. Bàr nă Thủ tướng dùl nùs ring bal broă 2 lơgar geh pơgồp bal lơh jat Hiệp định cau lơh broă bal tơl mờ ală bơta mờ gơguh jak gùt Thái Bình Dương, kung bè lơh broă bal pơlam tàp, bơto pơlam, lơh sơnơm ling klàng, bơsong jơnau gơlời wơl bơh rài tam lơh, tam dră sò tơm iơh bơsak, lơngăp lơngai internet mờ tus bal tàm mpồl ling sền gàr ring lơngai Liên hợp quốc dê.

Ồng Nguyễn Xuân Phúc mờ ồng Justin Trudeau kung dùl nùs ring bal sơlơ lơh broă bal tai đah 2 lơgar tàm broă lơh tam dră mờ tam gơl trồ tiah, bơtàu tơnguh ồs đèng kloh, công nghệ cao, lơh gơlik phan geh bơh sươn sre mờ tam gơl pa bơceh pa.

Bàr nă kuang đơng lam bồ dùl nùs ring bal 2 lơgar geh pơgồp bal bơyai lơh ală broă lơh tơngkah 45 nam ngai crơng gơs bơta gi\t gơ\p lơh broă bal đah Việt Nam mờ Canada, tàm hơ\ geh “Poh Niam chài Việt Nam tàm Canada".

Cau mblàng Lơ Mu K’Yến