VOV4.K’ho- Tơnơ\ tu\ lòt pơrjum gùt lơgar “Dong mpồl lơh sa kă bro bơcri priă mờ gah lơh broă sa sươn sre” mho òr 30/7, ồng Nguyễn Xuân Phúc, Thủ tướng Chính phủ bal mờ kuang đơng lam bồ bàr pe bộ, gah sơnah lơh broă dà lơgar neh lơh broă mờ kuang đơng lam bồ càr Lâm Đồng dê.

Tàm dơ\ lơh broă, Thủ tướng yal tơngume bơh pơlam gùng dà broă lơh đơng lam dê là: “Lâm Đồng là bơta pin dờn pa, bơtàu tơnguh pa, tàm bơrlu\ bal mờ bơta lòng bơh lài mờ pal geh bơta bơtàu tơnguh sơrbac mhar”.

Bơh ală cồng nha lơh sa- mpồl bơtiàn càr dê lơh geh tàm tơngai lài, Thủ tướng pin dờn, càr Lâm Đồng geh lơh geh jơnau kờ` lơh sa- mpồl bơtiàn nam 2018 mờ sồr càr lơh ngan lơh geh khà gơguh lơh sa 9%.

Ală gah lơh sa kuơmàng ndrờm lơh geh cồng nha uă ngan, tàm hơ\ geh lơh broă sa sươn sre công nghệ cao mờ drơng broă nhơl chờ. Jơnau hơ\ pà go\, Lâm Đồng geh uă bơta pràn jak mờ sơrbac mhar gơ gơs là tiah lam lài gơguh lơh sa bơh tiah tàm gùl lơgar mờ Tây Nguyên dê mờ tơngai mờr tus là bơh gùt lơgar dê.

Thủ tướng kung đơs là, Lâm Đồng bulah geh uă broă lơh lơh broă sa sươn sre pa mờ cồng nha lơh geh uă mơya tă pơgồp bơh lơh broă sa sươn sre, brê bơnơm mờ phan tàm dà tàm lơh sa bal mìng dùl êt lơm, pal lơh pràn bơtàu tơnguh lơh broă sa sươn sre công nghệ cao bal mờ bơta pràn mờ bơta jak bơh càr dê.

Cau mblàng Lơ Mu K’Yến