VOV4.K’ho- Ngai òr 23/8, tàm Hìu duh broă Chính phủ dê, ồng Nguyễn Xuân Phúc, Thủ tướng Chính phủ lơh broă mờ Mpồl dong pơlam Lơh sa bơh Thủ tướng dê.

Đơs niam ngan jơnau yal bơh Mpồl dong pơlam dê bè broă lơh rơndăp tăp sèng wơl rài lơh sa mờ tam gơl broă lơh gơguh tai lơh sa, Thủ tướng dùl nùs ring bal đơs là, 2 nam do, broă lơh do neh gơlòt mu\t ngan ngồn rlau, lơh geh bơta tam gơl loh làng rlau mờ sồr ală kuang bàng tàm Mpồl dong pơlam pơgồp bơnah yal tơngi\t loh làng rlau tai, wil tơl rlau tai bè cồng nha niam ngan tàm ală broă bơh dà lơgar dê, lơh kơ\ kơl jăp wơl bơta pin dờn bơh cau bơcri priă, mpồl lơh sa kă bro dê tàm broă lơh sa kă bro.

Mơya, jat Thủ tướng de, pal song dơ pă sền wơl, rơndăp tăp sèng wơl lơh sa gam geh bơta ờ hềt pràn jak ờ hềt niam, bè uă gah broă lơh tam gơl gam lơyaì, ờ hềt lơh geh bàr pe jơnau kờ`, jơnau sồr neh ai…

Thủ tướng đơs sùm, Chính phủ geh lơh pràn kơldang rơndăp tăp sèng, tam gơl pa broă lơh gơguh tai lơh sa, gàr kơ\ lơh sa dờng nàng ờ geh bơta kal ke nisơna gơtus mờ rài lơh sa.

Thủ tướng kơ\p kờ` pơn jat tai dờp geh ală jơnau đơs tă pơgồp bơh Mpồl dong pơlam dê bè ală gùng dà broă bơsong lơyah tơngai, di mơ tơngai mờ jo\ tơngai nàng sơrlèt gan ală kal ke, bơta lòng tu\ do bơh lơh sa dunia dê.

Cau mblàng Lơ Mu K’Yến