VOV4.K’ho- Ngai 21/03, càr Long An neh bơyai lơh dơ̆ sơnđờm mut ngui Tiah lơh sa mờ măy mok rơbàng anih ơhò ơm Phước Đông. Tiah lơh sa mờ măy mok do kờp jơh bă ù ơnàng mờr 130 lồ, ơm tàm anih gùng lòt buơn ngan jơh bal bè gùng ù gờl mờ gùng tàm dà, tàm tơrbŏ bal Gùng dờng 50, ƀòn dờng Hồ Chí Minh mờ ală càr tiah ring dà dờng Cửu Long.

Thủ tướng Nguyễn Xuân Phúc tus bal dơ̆ sơnđờm mut ngui Tiah lơh sa mờ măy mok rbàng, anih ơhò ơm Phước Đông

Tus bal mờ đơs tàm dơ̆ sơnđờm mut ngui, ồng Nguyễn Xuân Phúc Thủ tướng Chính phủ cih dờp, đơs niam ngan ală bơta lơh ngan, cồng nha gơhòi gơ jà bơcri priă tàm tơngai lài do bơh càr Long An dê. Thủ tướng sồr càr Long An pal lơh geh tơl bơta ƀuơn, sền gròi, tă bơsong ală bơta kal ke kòl yan ai mpồl lơh sa kă bro, cau tờm bơcri priă in lơh broă, ngan là tàm tơngai kòp Covid-19. Thủ tướng sồr càr Long An pơn jat tai sền gròi ngui niam bơta pràn, bơta ƀuơn càr dê geh tŭ do, bơtàu tơnguh ring bal đah  tiah drà mờ tiah ƀòn lơgar, pal sền gĭt gah lơh sa mờ măy mok tờm geh bơta kuơ tơrgùm bơtàu tơnguh, sền gròi bơtàu tơnguh lơh sa mờ măy mok công nghệ cao, lơh sa mờ măy mok drơng broă bal. Gơwèt mờ lơh sa suơn sre, tơrgùm ngui công nghệ cao nàng tơnguh uă rài kis ai cau lơh broă sa in.

Cau mblàng K’ Hạnh