VOV4.K’ho- Nho ngai 05/4, Thủ tướng Chính phủ ồng Phạm Minh Chính neh lơh jat bơhiàn yal bơr guh at gơnoar broă tềng đap bồng bi Dà lơgar, tềng đap Quốc hội mờ làng bol, cau tĕ khà gùt lơgar. Lài hơ̆, mờ uă ngan sră đùh ring bal, Quốc hội neh ring bal Nghị quyết pồ ồng Phạm Minh Chính at gơnoar broă Thủ tướng Chính phủ lơgar Cộng hoà xã hội chủ nghĩa Việt Nam dê.

Ồng Phạm Minh Chính geh pồ lơh Thủ tướng Chính phủ

Đơs guh at gơnoar broă tơnơ̆ yal bơr, Thủ tướng ồng Phạm Minh Chính hơ geh ai jơh bơta pràn să jan dê, sơrlèt jơh bơta kal ke, bơta lòng; tàm pơdờn, lơh jat bơhiàn mờ bơta mờng chài dờng màng bơh Thủ tướng bơh ală rài dê; lơh ngan bal mờ ală Kuang bàng Chính phủ tam klăc bal, song dơ pă, lơh broă kràn cê, geh cồng nha, jơh nùs, jơh tồr drơng broă dà lơgar, drơng broă làng bol in, jơh ală bơta tài bơh bơta kuơ bơh Đảng, bơh Dà lơgar mờ jơi bơtiàn dê in. Chính phủ mờ Thủ tướng Chính phủ tàm tơngai lơh broă do pơn jat tai lơh kah wơl nùs nhơm tam gơl pa, bơceh pa, nùs nhơm kơ̆p kờñ brồ guh mờ lơh geh uă cồng nha kuơ màng, tơl làm tàm jơh bal ală gah.

Cau mblàng K’ Hạnh