VOV4.K’ho- Mho ngai 13/7, tàm Hìu duh broă Chính phủ dê, ồng Phạm Minh Chính- Thủ tướng Chính phủ neh lơh broă mờ Bộ Văn hoá, Thể thao mờ Du lịch bè broă lơh tàp pràn să jan mờ tìp măt mờ bàr pe nă cau pơrlòng tàp pràn să jan pơnrơ tus bal pơrlòng Olympic Tokyo nam 2020.

Đơs tàm dơ̆ lơh broă, ồng Phạm Minh Chính đơs loh, srơh tàp pràn să jan, tơnguh uă bơta pràn kơldang să jan mpồl bơtiàn là dùl gùng dà broă lơh dờng bơh Đảng mờ Dà lơgar he dê. Geh să jan pràn kơldang den hơ̆ sồng bơ̆t bơtàu geh dà lơgar. Mờr tus, ală cau pơrlòng tàp pràn să jan chờ hờp ala măt ai bồng bi, àu soh dà lơgar in tus bal pơrlòng Olympic Tokyo nam 2020. Do là bơta chờ hờp ai gah tàp pràn să jan in, ai să tờm is cau pơrlòng tàp pràn să jan in.

Kuơmàng là tàp pràn să jan ai cau kuĕt kơlte in. Thủ tướng jờng rơ ală cồng nha mờ gah tàp pràn să jan lơgar Việt Nam dê neh lơh geh tàm tơngai lài, ngan là nùs nhơm tàm pơrlòng bơh bol he dê ngai sơlơ kơ̆ dơn jơh nùs ngan. Di tàm dơ̆ do, Thủ tướng kung pơyua jơnau pơndờm pơnđiang mờ pơyua jơnau gờm chờ tus mờ jơh ală cau tàp pràn să jan tus bal pơrlòng Olympic Tokyo nam 2020.

Cau mblàng Lơ Mu K’Yến