VOV4.K’ho- Mho ngai 25/5, ồng Phạm Minh Chính- Thủ tướng Chính phủ neh cribơyai tàm điện thoại mờ ồng Scott Morrison- Thủ tướng lơgar Australia. Tàm dơ̆ cribơyai tàm điện thoại, ồng Phạm Minh Chính đơs nền tŭ lơi kung kờñ lơh broă bal niam ngan mờ ồng Scott Morrison nàng ai bơta gĭt gơ̆p Tam klăc lơh broă bal Jŏ jòng đah Việt Nam mờ Australia ngai sơlơ gơ lòt mŭt ngan ngồn tàm uă broă lơh mờ geh cồng nha.

Bàr nă Thủ tướng dùl nùs ring bal pal tơlik jơnau kờñ jơnhoa rlau tàm broă lơh ngan tơnguh bơcri priă, kă bro đah 2 gah, wèt tus bơtàu tơnguh wơl kơ̆ kơl jăp tơnơ̆ kòp dờng, gờñ lơh sir mờ kĭ hơ Broă lơh Sơlơ lơh broă bal lơh sa, tơnguh lơh broă bal jak chài măy mok, lam lơh jăt geh cồng nha “Broă lơh tam klăc lơh broă bal tam gơl pa đah Việt Nam mờ Australia tơngai bơh nam 2022- 2025”. Bè broă dà lềng đah măt tơngai lik, bàr nă kuang bàng đơng lam bồ đơs nền, bơta kuơmàng bơh broă sền gàr bơta ring lơngai, kơ̆ kơl jăp, lơngăp lơngai, ờdo ờdă mờ khăt gơboh is gùng dà lềng mờ gùng rơndeh par, bơsong ring lơngai ală tam pìt tam phà jăt tàm adat boh lam dunia.

Cau mblàng Lơ Mu K’Yến