VOV4.K’ho- Mho Ngai 22/6/2021, ồng Phạm Minh Chính- Thủ tướng Chính phủ  neh cribơyai tàm điện thoại mờ Thủ tướng lơgar Đức mò Angela Merkel. Tàm dơ̆ cribơyai, bàr Thủ tướng tơngŏ bơta chờ hờp bè ală cồng nha lơh broă bal jrô ơnàng đah 2 lơgar tàm rlau 45 nam do kờp bơh ngai crơng gơs bơta gĭt gơ̆p lơh broă bal. Thủ tướng Chính phủ ồng Phạm Minh Chính đơs nền, Việt Nam sùm sền dờng màng bơta gĭt gơ̆p lơh broă  bal jŏ jòng mờ lơgar Đức, kơ̆p kờñ lơh jrô ơnàng rlau tai bơta gĭt gơ̆p rềp mềr mờ pin dờn đah 2 lơgar dê tàm tơl gah.

Thủ tướng Chính phủ ồng Phạm Minh Chính

Thủ tướng lơgar Đức mò Angela Merkel đơs là Việt Nam là lơgar lơh broă bal kuơ màng tàm broă lơh wèt tus ală tiah bơh lơgar Đức dê, jờng rơ bơta gĭt gơ̆p lơh broă bal Việt Nam mờ Đức mờ đơs nền 2 lơgar gam ơm tềng đap uă tŭ tơngai niam mờ kơ̆p kơnờm bơtàu tơnguh dờng ơ nàng, pal lơh jat pràn kơl dang. Nàng kờñ lơh ngan mờ sơlơ tơnguh bơta gĭt gơ̆p lơh broă bal uă gah niam bơnĕ đah 2 lơgar dê, 2 gah ring bal gờñ tàm tơrƀŏ wơl mpồl Kuang bàng, tìp mat cribơyai Kuang bàng kấp dờng màng mờ lơh ngan ală broă lơh lơh broă bal, tàm hơ̆ sền gròi tơnguh uă cồng nha Ủy ban tàm bơr lŭ bal bè lơh broă bal lơh sa Việt Nam mờ Đức.

Cau mblàng K’Hạnh