VOV4.K’ho- Ồng Phạm Minh Chính- Thủ tướng Chính phủ pa geh dơ̆ lơh broă mờ Bộ Ngoại giao bè broă lam lơh jăt gùng dà lơh broă mờ lơgar ndai jăt nùs nhơm Kơrnoat Pơrjum dờng dơ̆ XIII bơh Đảng dê.

Dơ̆ lơh broă

Tơnơ̆ tŭ iăt kơno ală jơnau đơs tă pơgồp, ồng Phạm Minh Chính jờng rơ gah Lơh broă mờ lơgar ndai neh lơh jăt niam bơhiàn pal pơñiờ să ngan bơh gah lơh broă do dê, lam lơh tus geh cồng nha gùng dà lơh broă mờ lơgar ndai bơh Đảng dê, sùm ơn bơta kuơ dà lơgar jơi bơtiàn dê hơđang rlau mờ bơta lơi jơh. Thủ tướng sồr Bộ Ngoại giao pal đòm jăt pràn kơldang ală cồng nha neh lơh geh, lam lơh jăt geh cồng nha gùng dà lơh broă mờ lơgar ndai krơi is, lơh tờm is, ring lơngai, lơh bơyô bal, lơh broă bal mờ bơtàu tơnguh, lơh uă gah, lơh li la bơta gĭt gơ̆p lơh broă mờ lơgar ndai bơh Kơrnoat Pơrjum dờng dơ̆ XIII bơh Đảng dê neh ai tơlik, sền gàr jơnhoa ngan rlau jơh bơta kuơ dà lơgar jơi bơtiàn.

Tàm bơta pa, Thủ tướng ồng Phạm Minh Chính sồr Bộ Ngoại giao pal tơnguh pràn kơldang gơnoar broă lam lài bơh lơh broă mờ lơgar ndai dê tàm broă lơh gơlik mờ sền gàr kơ̆ tiah ơm kis ring lơngai, kơ̆ kơl jăp; hòi jà tă pơgồp ală bơta pràn nàng bơtàu tơnguh, pơgồp bơnah tơnguh uă gơnoar broă mờ bơngă pin dờn bơh dà lơgar dê.

Cau mblàng Lơ Mu K’Yến