VOV4.K’ho- Ồng Phạm Minh Chính- Thủ tướng Chính phủ pa geh dơ̆ tìp măt mờ cau ala măt cau geh màng mờ kăc màng, cau pròc mhàm cau ling chơ̆t màng Di dơ̆ tơngkah 74 nam Ngai cau ling sồt să- cau ling chơ̆t màng (27/7/1947- 27/7/2021). Tàm dơ̆ tìp măt, 50 nă cau ala măt cau geh màng mờ kăc màng pơnrơ ngan ala măt ai bồ tơngŏ kơ̆p kờñ brồ guh, nùs nhơm sơrlèt gan kal ke tàm rài kis, tă pơgồp jơh bơta pràn he dê tàm broă lơh bơ̆t bơtàu mờ bơtàu tơnguh dà lơgar ala măt ai rlau 9 tơlak 200 rbô nă cau geh màng mờ kăc màng tàm gùt lơgar in neh bal mờ gơ̆p yal kah wơl ală kir sơnrai bè dơ̆ tam lơh dong klàs jơi bơtiàn.

Đơs tàm dơ̆ tìp măt, ồng Phạm Minh Chính ala măt Kuang đơng lam bồ Đảng, Dà lơgar pơyua tus ală kuàng lơh broă kăc màng jŏ sơnam, ală Mè Việt Nam khin cha jak chài, ală cau ling khin cha jak chài mpồl phàu crong làng bol, ală cau ling sồt să, cau ling kòp tê jê să, cau pròc mhàm cau ling chơ̆t màng, cau geh màng mờ kăc màng bơta kah rơngal mờ gĭt ưn ngài uă ngan rlau jơh. Thủ tướng đơs sùm bơta gĭt ưn ngài bal mờ konòl broă sùm là jơnau kơlôi sơnơng tàm bồ tơngoh mờ broă lơh bơh ală kấp kuang bàng đơng lam bồ, tàm làng bol dê mờ do kung là bơhiàn niam chài niam bơnĕ bơh jơi bơtiàn he dê.

Cau mblàng Lơ Mu K’Yến