VOV4.K’ho- Ồng Phạm Minh Chính Thủ tướng Chính phủ pa tơn jơh niam ngan dơ̆ tus bal Pơrjum ală Kuang bàng dờng màng ASEAN. Tàm tơngai 2 ngai bơh dơ̆ lơh broă dê, Thủ tướng neh tus bal mờ geh jơnau đơs tam pà bal jơnau đơs bơh Kuang đơng lam bồ ală lơgar ASEAN bè bơta tàm lơgar Myanmar mờ gơnoar broă bơh ASEAN dê.

Thủ tướng đơs nền, tàm gơnoar broă  Ủy viên ờ lơh broă sùm mờ tŭ do gam là Chủ tịch Hội đồng Bảo an Liên hợp quốc tàm nhai 4/2021, Việt Nam neh lơh ngan lơh gơlik geh ală bơta ƀuơn ai broă jòi geh gùng dà broă lơh di pal ai bơta tàm lơgar Myanmar in. Thủ tướng sồr ală lơgar ASEAN pơgồp bal niam tàm ală dơ̆ cribơyai bơh Liên hợp quốc dê bal mờ Việt Nam hòi jà ală lơgar tă pơgồp bal mờ dong kờl lơh ngan bơh ASEAN dê tàm broă tus bal mờ jòi ală gùng dà broă lơh di pal ai lơgar Myanmar in. Tàm 2 ngai lơh broă tàm lơgar Indonesia, Thủ tướng kung neh geh dùl ròt ală dơ̆ tìp mat 2 gah mờ ală Kuang đơng lam bồ ală lơgar ASEAN, pơn jat tai pơyoa rùp să rềp mềr, gĭt gơ̆p bơh Mpồl đơng lam pa bơh Việt Nam dê tus mờ Kuang đơng lam bồ ală lơgar rềp bal tàm tiah do dê.

Cau mblàng Hạnh