VOV4.K’ho- Drim ngai 23/5, tàm Tiah đùh sră sồ 18, sơnah ƀòn Cái Khế, quận Ninh Kiều, ƀòn dờng Cần Thơ, ồng Phạm Minh Chính- Thủ tướng Chính phủ bal mờ kuang bàng đơng lam bồ ƀòn dờng Cần Thơ mờ gal ngan cau tĕ khà neh tus bal dơ̆ bơyai lơh sơnđờm mŭt lơh mờ đùh sră tĕ khà kuang bàng Quốc hội khoá XV mờ kuang bàng Hội đồng Nhân dân ală kấp, tơngai lơh broă bơh nam 2021- 2026.

Ồng Phạm Minh Chính- Thủ tướng Chính phủ

Thủ tướng Chính phủ- cau lam bồ anih lơh broă lơh jăt kơrnoat boh lam, đơs: broă sac rwah ală cau ala măt anih lơh broă gơnăp gơnoar jơnhoa ngan rlau jơh bơh Dà lơgar dê geh tơngŏ tàm broă bol he neh bơyai lơh dơ̆ tĕ khà làng bol lơh tờm, loh làng, song dơ pă ờ ndơ̆p mpồn, niam bơnĕ mờ ring bal nàng tơl nă cau tĕ khà in lơh jăt geh gơnoar mờ kơnòl làng bol bơh he dê, sac rwah geh ală cau kuang bàng dipal ngan rlau jơh mŭt tàm ală anih lơh broă gơnăp gơnoar bơh ƀòn lơgar mờ anih lơh broă gơnăp gơnoar jơnhoa ngan rlau jơh là Quốc hội khoá XV. Lài mờ tŭ tus bal tĕ khà, ală kuang bàng mờ cau tĕ khà kung lơh jăt niam ală broă lơh rơcăng sơndră kòp Covid-19, bè yal mờ cau lơh sơnơm, ràu tê lơh kloh khuẩn, pơn chèu glòm muh măt, gàr bơta ơm yah ngài.

Cau mblàng Lơ Mu K’Yến