VOV4.K’ho-Mờr 9 nam đơng lam bồ Chính phủ bơh nam 1997- 2006, ồng Phan Văn Khải, Thủ tướng Chính phủ lài do geh sền mờ gơnoar broă là cau geh bồ tơngoh tam gơl pal, mu\t gơrờm bal mờ dunia.

Tàm jơnau kah wơl bơh uă cau mờng chài gah lơh sa dờng màng dê, Thủ tướng Phan Văn Khải sùm geh jờng rơ ngan, ngan là tu\ rài lơh sa lơgar Việt Nam dê tàm ală nam nhai kal ke bơh tơngai sơnrờp mu\t gơrờm bal mờ dunia mờ pờ mpồng.

Tàm jơnau kah wơl tàm bồ tơngoh bơh uă làng bol mờ cau mờng chài gah lơh sa dê, tơngai ồng Phan Văn Khải lơh Thủ tướng Chính phủ, ồng neh geh uă tă pơgồp ai dà lơgar in mờ là cau geh bơta sền sơnơng jo\ jòng, pơgồp bơnah kuơmàng tàm bơta bơtàu tơnguh bơh ală anih lơh sa dà lơgar dê.

Thủ tướng Phan Văn Khải lài do sùm geh jờng rơ ngan, ngan là tu\ rài lơh sa lơgar Việt Nam dê tàm ală nam nhai kal ke bơh tơngai sơnrờp mu\t gơrờm bal mờ dunia mờ pờ mpồng. Tiến sĩ Vũ Quốc Tuấn, kuang bàng tàm Mpồl dong pơlam bơh ồng Phan Văn Khải, Thủ tướng Chính phủ lài do dê yal, ồng Phan Văn Khải là cau geh bơto bơtê tơl làm, lơh broă geh rơndăp tăp sèng, kuơmàng là gi\t iat kơno.

                                        Ồng Phan Văn Khải, Thủ tướng Chính phủ lài do

Ồng sùm lơh broă mờ Mpồl kơlôi sơnơng, pah poh lơh broă dùl dơ\ nàng iat ală jơnau tă pơgồp, dong pơlam, kuơmàng là jòi ală gùng dà broă lơh tă bơsong kal ke ai mpồl lơh sa kă bro in. Bơh nam sơnrờp tu\ adat mpồl lơh sa kă bro nam 2000 geh ai ngui tơn, ồng Phan Văn Khải neh sang jơh te\ rlau 240 sră ai gơnoar dềt.

Bulah nàng sang jơh geh ală sră ai gơnoar do ờ go\ [ươn dùl êt lơi, pal lơh broă mờ ală Bộ, gah lơh broă dà lơgar mờ geh tu\ là pal cribơyai tàm pơndang krà` ngan den hơ\ sồng gơtùi sang te\. Tiến sĩ Vũ Quốc Tuấn, yal wơl bè do:

Thủ tướng Phan Văn Khải lài do là cau sơnrờp ki\ Nghị định bơtàu tơnguh mpồl lơh sa kă bro dềt mờ di mơ bơh lơgar Việt Nam dê, nam 2001, nghị định sơnrờp bè mpồl lơh sa dềt mờ di mơ lơgar he dê bơh Thủ tướng Phan Văn Khải dê ki\ jat jơnau dan bơh Mpồl kơlôi sơnơng tu\ hơ\ dê.

Tàm sùm tu\ tơngai ồng Phan Văn Khải lơh, geh ală mpồl lơh sa kă bro mờ cau lơh sa kă bro hòi là Thủ tướng bơh mpồl lơh sa kă bro dê. Dơ\ sơnrờp bơyai lơh uă broă lơh, pờ tơlik ală bơta tă bơsong kal ke, tă sang te\ sră ai gơnoar dềt ai mpồl lơh sa kă bro in.

Ồng Mạc Quốc Anh, Phó Chủ tịch mơkung là Tổng Thư kí Hiệp hội mpồl lơh sa kă bro dềt mờ di mơ [òn dờng Hà Nội dê đơs là, tơngai ồng Phan Văn Khải lơh Thủ tướng, ồng neh lơh geh ală bơta niam ai dùl ròt mpồl lơh sa kă bro in geh crơng gơs mờ bơtàu tơnguh.

Hơ\ là broă Adat mpồl lơh sa kă bro geh lơh nam 1999, uă sră ai gơnoar dềt geh sang te\, dùl ròt sră nggal geh sang mờ tơrmù, uă jơnau ring bal lơh broă bal pờ mpồng lơh sa drà kă bro…

Kuơmàng, tam ală tu\ lơh broă, Thủ tướng Phan Văn Khải lài do sùm geh bơta đơng lam ngac ngar, jak chài, rơcang lài, den tàng bè hơ\ neh lam dà lơgar sơrlèt gan bơta tung lơtăng tàm tơngai nam 1997.

Tu\ hơ\, lơh sa châu Á dê gơtìp tung lơtăng priă jền tàm làm uă tiah, mơya lơgar he ờ gơtìp gơ aniai uă pơndrờm mờ ală lơgar: Thái Lan, Nhờk, Hàn Quốc…Bơh hơ\, lơh geh bơta pin dờn ai ală cau bơcri priă, lơh sa kă bro lơgar ndai in. Ồng Mạc Quốc Anh, đơs:

Tàm ală tu\ đơng lam dà lơgar bơh ồng Phan Văn Khải, Thủ tướng Chính phủ lài do dê, kuơmàng là tơngai dà lơgar gơtìp tàm dơ\ tung lơtăng priă jền châu Á nam 1997, mờ bơta đơng lam rơcang lài bè lơh sa dờng den tàng dà lơgar neh sơrlèt gan geh tung lơtăng.

Thủ tướng sang mờ tơrmù te\ 60% ală sră ai gơnoar dềt, tềm pềr tơrmù tu\ jiơ bơh broă tơnguh jơnhoa bơta jak chài lơh broă mpồl công chức- viên chức in. Lơh geh uă anih nhơl ai tơl jơh ală broă lơh bơh ală mpồl lơh sa kă bro in.

Ring bal mờ jơnau đơs do, ồng Tô Ngọc Sơn, ơm tàm Cụm 3, thị trấn Phúc Thọ, [òn dờng Hà Nội đơs là:

Ồng là dùl nă cau geh gơnoar broă, bồ tơngoh jak mờ nùs kờ` gơboh dà lơgar pal geh sền dờng màng ngan. Ồng ờ go\ pơhì pơhà, là dùl nă làng bol, bol a` sền go\ mờ gơnoar broă là Thủ tướng tàm tơngai ndrờm bè lơh sa bơh dà lơgar dê, ngan là ală lơgar tàm tiah đah jum mat tơngai lik châu Á gam gơtìp ờ pràn tàm nam 1997 uă ngan, mơya ồng neh geh bơta đơng lam dipal den tàng neh bơtàu tơnguh geh rài lơh sa bơh dà lơgar dê bơh sơnrờp, tơngai sơnrờp tam gơl pa neh mu\t gơrờm bal mờ dunia. Jat a` den do là cồng nha pal cih dờp ngan.

Neh geh uă nam lơh broă mờ ồng Phan Văn Khải, Thủ tướng Chính phủ lài do, Tiến sĩ Cao Sỹ Kiêm, lài do là Thống đốc Ngân hàng dà lơgar Việt Nam đơs là: Thủ tướng Phan Văn Khải lài do là cau lơbơn niam, geh kơnòl uă tàm broă lơh, bơsong broă dùl bă kơrhia ngan, nùs nhơm lơh broă tus gùng tus dà.

Năm 2005, ồng Phan Văn Khải, Thủ tướng Chính phủ lài do lòt còp lơgar Mỹ di dơ\ tơngkah 10 nam lơh bè ờs wơl bơta gi\t gơ\p đah Mỹ mờ Việt Nam

Tơnơ\ tu\ geh pồ lơh cau đơng lam bồ Chính phủ, mpồl lơh sa kă bro- cau lơh sa kă bro mờ tiah lơh sa kă bro ngan là dùl tàm ală gùng dà broă lơh geh ai lơh lài bơh ồng dê kờ` tă bơsong kal ke lơh geh bơta pràn dong kờl ai ală mpồl lơh sa kă bro in bơtàu tơnguh, ồng sùm sền bơ\t bơtàu ală kơrnoat boh lam ai rài lơh sa bơtàu tơnguh jat drà kă bro là bơnàng jă kuơmàng ngan rlau jơh nàng dà lơgar bơtàu tơnguh. Tiến sĩ Cao Sỹ Kiêm, pà gi\t:

Ồng là cau lơh jat lam lơh uă ală gùng dà broă lơh kơrnoat boh lam nàng mu\t lơh tam gơl pa nàng mu\t gơrờm bal mờ dunia mhar. Kuơmàng, ală broă lơh bơsram bơta mờng chài, lơh jat bơta mờng chài, rơcang ală jơnau tàm lơgar nàng kờ` mu\t gơrờm bal mờ dunia uă ngan rlau jơh là tàm gah broă priă jền.

Ală broă gam kờ` nàng bơtàu tơnguh mhar, bè: adat bơhiàn, công nghệ, bơto kuang bàng ală bơta kờ` nàng ală anih lơh broă priă jền bơh Việt Nam dê tam gơl mhar, lơh geh bơta bơtàu tơnguh sơrbac mhar nàng tề lam mờ sơrmah sơrmài mờ rài lơh sa.

Gơtùi đơs, jơnau kah yau lơh sa bơh dà lơgar dê geh bơta tă pơgồp bơta pràn bơh ồng Phan Văn Khải, Thủ tướng Chính phủ lài do dê bè là dùl nă kuang đơng lam bồ geh uă jơnau kơlôi sơnơng, dà kơlhề tam gơl pa, mu\t gơrờm bal mờ dunia.

Dùl nă cau tàm pơn jat tai, bơ\t bơtàu gơs bơnàng jă lơh sa kơ\ kơl jăp nàng dà lơgar he mu\t gơrờm bal mờ dunia làm uă, bơtàu tơnguh pràn tus tàm gùt dunia. Bơh hơ\, pơgồp bơnah tàm broă lơh bơ\t bơtàu mờ bơtàu tơnguh dà lơgar dê ngai sơlơ tam gơl pa, pas sơm mờ jak chài!

                                         Cau mblàng mờ yal tơngi\t- Lơ Mu K’Yến