VOV4.K’ho- Drim òr 31/7, tàm Hìu duh broă Chủ tịch lơgar, ồng Trần Đại Quang, Chủ tịch lơgar neh wa\ rò Mpồl lơh broă bơh Ủy ban Lơh sa lơgar Nhờk mờ Việt Nam gơ wèt Liên đoàn ală mpồl lơh sa lơgar Nhờk (Keidanren) di dơ\ Mpồl lòt còp mờ lơh broă tàm Việt Nam.

Tàm dơ\ wa\, ồng Trần Đại Quang ưn ngài Liên đoàn ală mpồl lơh sa lơgar Nhờk Keidanren neh lơh broă bal jơh nùs mờ geh cồng nha mờ Bộ Kế hoạch mờ Đầu tư lơgar Việt Nam bơyai lơh geh cồng nha cribơyai mờ bàr mpồl lơh sa kă bro di dơ\ lòt còp kấp dà lơgar bơh Chủ tịch lơgar dê tàm nhai 5 pa do.

Chủ tịch lơgar pà gi\t, tơnơ\ dơ\ lòt còp neh geh uă cau bơcri priă lơgar Nhờk tus Việt Nam jòi tu\ tơngai niam lơh broă bal bơcri priă, kă bro. Bal mờ hơ\, năc nhơl chờ 2 lơgar dê ngai sơlơ gơguh, tơngo\ gi\t gơ\p lơh broă bal đah 2 lơgar gam bơtàu tơnguh ngan.

Chủ tịch lơgar đơs niam ngan bơta lơh broă bal mờ dong kờl bal kuơmàng ngan bơh Keidanren dê bal mờ gơnoar broă là mpồl lơh sa dờng ngan rlau jơh, geh bơngă ngan rlau jơh bơh lơgar Nhờk dê neh lòt bal mờ lơgar Việt Nam tàm broă lơh niam wơl tiah bơcri priă, là rbàng tơrbo\ dong ală mpồl lơh sa kă bro lơgar Nhờk bơcri priă uă rlau tàm Việt Nam, pơgồp bơnah ai bơta gi\t gơ\p lơh broă bal kuơmàng đah 2 lơgar bơtàu tơnguh niam bơne\ tàm jơh ală gah broă.

Cau mblàng Lơ Mu K’Yến