VOV4.K’ho- Mho ngai 23/04, Mpồl lòt sền, sền gròi lơh broă tĕ khà Kuang bàng Quốc hội khoá 15 mờ Kuang bàng Hội đồng Nhân dân ală kấp tơngai lơh broă bơh nam 2021-2026 bơh ồng Trần Thanh Mẫn, Ủy viên Bộ Chính trị, Phó Chủ tịch Thường trực Quốc hội, Phó Chủ tịch thường trực Mpồl duh broă tĕ khà Dà lơgar lơh Kuang atbồ mpồl neh geh dơ̆ lơh broă mờ càr Hậu Giang.

Anih tàm dơ̆ lơh broă

Đơs tàm dơ̆ lơh broă, ồng Trần Thanh Mẫn gờm chờ ală cồng nha mờ càr Hậu Giang neh lơh geh tàm bơtàu tơnguh lơh sa, bơt bơtàu ƀòn lơgar pa, tă priă dia, bơtàu tơnguh rơndap tap sèng phan bơna bơh tiah drà tus ƀòn lơgar; jờng rơ mờ đơs niam ngan ală cồng nha mờ càr Hậu Giang neh lơh geh tàm broă lam lơh jat ală broă lơh rcang lài ai dơ̆ tĕ khà in. Ồng Trần Thanh Mẫn đơs ngan, do là dơ̆ pơrjum chính trị kuơ màng den tàng bè hơ̆, tơl broă lơh geh gơrềng tus tĕ khà, Hậu Giang pal rcang lài lơh jat niam, gàr niam làng bol lơh tờm, di mờ adat boh lam, ờdo ờdă, tềm pềr; broă lơh rcang sơn dră kòp Covid-19 pal pơn jat tai lơh jat niam, bañ sền ờ sơ̆p mờ ờ rcang sền ngăc.

Cau mblàng K’ Hạnh