VOV4.K’ho- Drim ngai 30/03, tàm Hà Nội, geh bơyai lơh pơrjum dờng Mpồl cau ùr lơh sa kă bro Việt Nam dơ̆ 2. Ồng Trương Hòa Bình Phó Thủ tướng Chính phủ tus bal mờ đơs đơng lam dơ̆ pơrjum dờng. Jat tơrgùm kờp tŭ do, tàm Việt Nam geh pơgap rlau 30% cau ùr tus bal đơng lam bồ ală mpồl lơh sa kă bro, mờ do là dùl khà ờ gŏ dềt dùl ết lơi.

Đơs tàm dơ̆ Pơrjum dờng, ồng Trương Hoà Bình, Phó Thủ tướng Chính phủ sồr, Mpồl tam klăc mờ ală cau ùr lơh sa kă bro pal mblàng yal, hòi jà ală cau lơh sa kă bro đơs bal mờ cau lơh sa kă bro là cau ùr đơs is lơh broă lơh sa kă bro tàm tơngume adat boh lam, lơh jat niam adat boh lam, lơh jat ală kơnòl broă mờ Dà lơgar  mờ gàr niam gơnoar kuơ bơh cau lơh broă, lơh gơlik phan, lơh sa kă bro wèt tus bơtàu tơnguh kơ̆ kơljap mờ bơt bơtàu cau ùr lơh sa kă bro cèng bềng bơta chài rơgơi mờ kòn bơnus Việt Nam dê.

Cau mblàng K’ Hạnh