VOV4.K’ho - Drim ngai 19 ngai 10, ồng Trương Hoà Bình, Phó Thủ tướng Thường trực Chính phủ bal mờ mpồl kuang bàng lơh broă neh geh dơ\ lơh broă mờ kuang bàng đơng lam càr Kon Tum bè cồng nha lơh jăt “Nam lam sồr gơnoar atbồ” 2019 mờ broă sơndră mờ kă bro blơ\ blăc, pơrlồm kă bro mờ phan ờ ngan.

               Phó Thủ tướng Thường trực Chính phủ lơh broă mờ kuang bàng đơng lam càr Kon Tum

Đơs tàm dơ\ lơh broă, Phó Thủ tướng sồr càr Kon Tum pơn jăt tai lơh geh cồng nha broă sơndră mờ kă bro blơ\ blăc, pơrlồm kă bro, phan ờ ngan; tam gơl pa, bơceh tàm broă đơng lam, lam sồr tơnguh bơtàu lơh sa mpồl bơtiàn; rơndăp broă, prăp gàr, bơcri priă mờ tơnguh bơtàu ală tiah tam phan lơh sơnơm tơrgùm bal pơgồp bal mờ broă lơh bal mờ tăc, tàm hơ\ uă ngan là ală phan geh lơh bơh kơnuh sơnơm Ngọc Linh, Đẳng sâm mờ ală bơta phan lơh sơnơm ndai; tơnguh broă atbồ, sền gàr mờ tơnguh bơtàu brê; lơh jăt broă lơh rài kis lơh sa mpồl bơtiàn ai hìu làng bol kòn cau rơ[ah mờ hìu rơ[ah tàm xã, [òn kal ke in; đơng lam ală cấp uỷ đảng lơh jăt niam broă rơcang pơrjum dờng Đảng bộ ală cấp, wèt tus pơrjum dờng Đảng bộ càr dơ\ 16 mờ pơrjum dờng Đảng dà lơgar dơ\ 13.

Cau mblàng Ndong Brawl