VOV4.K’ho- Drim ngai 08/9, tàm hìu lơh broă Đảng dà lơgar, ồng Võ Văn Thưởng, Kuang atbồ Mpồl đơng lam dà lơgar bè atbồ biên chế neh đơng lam pơrjum dơ̆ 1 bơh Mpồl đơng lam dê.

Tàm dơ̆ pơrjum, Mpồl đơng lam neh ai jơnau đơs tàm ală rơndap cih: Jơnau yal cồng nha broă lơh mờ gùng dà broă lơh, kơnòl broă lơh broă tơngai bơh nam 2021-2026; Broă rơndap lơh broă lơh; Kơrnoat lơh broă bơh Mpồl đơng lam dê tơngai lơh broă bơh nam 2021-2026; Jơnau cih bè broă atbồ biên chế ring bal bơh ală anih lơh broă chính trị dê; Broă rơndap lơh lòt sền lơh jat broă atbồ biên chế pơgồp bal mờ broă lơh tàm tơngai bơh 2016-2021 mờ jơnau đơs biên chế pơgồp bal mờ broă lơh tơngai bơh nam 2021-2026; Jơnau yal cồng nha Rơndap broă lơh anih broă lơh... Jat rơndap cih jơnau yal, kờp tus ngai 31/12/2019, gùt lơgar neh lơh sir broă jàu tơrmù biên chế neh geh ai; kờp jơh cau lơh broă sa priă nhai mờ priă dong kờl bơh kes priă dà lơgar dê gơmù 541 rơbô 890 nă cau (14,93%) pơndrờm dùl tŭ bal mờ tàm tơngai 30/4/2015.

Cau mblàng K’Hạnh