VOV4.K’ho- Drim ngai 26/4, Ủy ban tĕ khà ƀòn dờng Đà Nẵng bơyai lơh pơrjum dơ̆ 4 ring bal tam pà mat cau tơlik mat tĕ khà Kuang bàng Quốc hội khóa 15 mờ Hội đồng Nhân dân ƀòn dờng tơngai lơh broă bơh nam 2021 tus nam 2026; lam lơh broă rơndap lơh tìp mat cau tĕ khà bơh ală cau tơlik mat tĕ khà kuang bàng Quốc hội mờ Hội đồng Nhân dân ƀòn dờng dê. Ủy viên Bộ Chính trị, Thường trực Ban Bí thư ồng Võ Văn Thưởng geh dà lơgar yal tơnggit tơlik mat tĕ khà Kuang bàng Quốc hội tàm ƀòn dờng Đà Nẵng.

Ủy ban tĕ khà bơyai lơh pơrjum dơ̆ 4

Tàm pơrjum, ală kuang bàng neh ring bal tam pà mat cau tơlik mat tĕ khà kuang bàng Quốc hội khóa 15 mờ Hội đồng Nhân dân tơngai lơh broă bơh nam 2021 tus nam 2026 jat tơl mpồl tĕ khà. Jat hơ̆, ƀòn dờng Đà Nẵng geh 10 nă cau tơlik mat tĕ khà kuang bàng Quốc hội khóa 15, tàm hơ̆ 2 nă cau tơlik mat tĕ khà bơh dà lơgar yal tơnggit là Ủy viên Bộ Chính trị, Thường trực Ban Bí thư ồng Võ Văn Thưởng mờ mò Nguyễn Thị Kim Thúy, Ủy viên Thường trực Ủy ban ală broă mpồl bơtiàn bơh Quốc hội dê.

Cau mblàng K’Duẩn