VOV4.K’ho - Drim òr (23/11), ồng Võ Văn Thưởng, Ủy viên Bộ Chính trị, Thường trực Ban Bí thư bal mờ Mpồl kuang bàng ala măt Quốc hội ƀòn dờng Đà Nẵng geh dơ̆ tìp mờ cau tĕ khà 5 quận Hải Châu, Thanh Khê, Sơn Trà, Ngũ Hành Sơn mờ Cẩm Lệ, ƀòn dờng Đà Nẵng nàng yal bè cồng nha bơh pơrjum dơ̆ bàr, Quốc hội khoă 15.

Uă broă geh cau tĕ khà sền gròi mờ geh jơnau pơgồp bal tàm dơ̆ tìp mờ cau tĕ khà bè broă rơcang sơndră mờ sa kuề sa koà pal lơh mhar mờ pràn kơl dang rơlao; pal tơnguh broă dong kờl ai cau lơh broă ờ lơh tờm tàm ală xã in. Broă rơcang sơndră mờ kòp Covid-19, cau tĕ khà sồr lơh mhar broă dong kờl, pờ ơnàng cau gơtìp gơrềng bal, dong kờl gàr niam rài kis mpồl bơtiàn. Ồng Võ Văn Thưởng, Thường trực Ban Bí thư đơs: Dà lơgar, Bộ Chính trị sùm sền gròi tus mờ broă tơnguh bơtàu bơh ƀòn dờng Đà Nẵng dê. Tàm broă tơnguh bơtàu, đảng, gơnoar atbồ ƀòn dờng pal lơh ngan, geh broă tơnguh bơtàu kơl jăp.

Cau mblàng Ndong Brawl