VOV4.K’ho- Mờ tơngume “Bơta tờm- geh kơnòl- lơh jat kơrnuat- lơh krơh lài- bơceh pa”, dơ̆ sơn đờm mut nam bơsram pa 2021- 2022 bơh Học viện Chính trị dà lơgar Hồ Chí Minh dê neh geh lơh jat broă lơh pờ tơn tàm internet tàm àng drim ngai 09/9 tàm Hà Nội. Đơs mờ kuang bàng, cau pơgru, cau bơsram dờng bơh Học viện dê, ồng Võ Văn Thưởng, Ủy viên Bộ Chính trị, Thường trực Ban Bí thư sồr pal jơh nùs dră wơl nùs nhơm bơsram mìng tài bơh bằng cấp, nàng tơl bơta kờñ geh tơn pồ, tơnguh priă nhai, geh rơndap tap sèng lơh kuang đơng lam bồ.

Nam bơsram 2021- 2022, Học viện tơrgùm lam lơh broă lơh bơto bơtê, bơto pơlam jat broă lơh pờ tơn tàm internet. Sền gròi tus ală broă lơh bơto bơtê cao cấp, trung cấp lý luận chính trị, ală broă lơh, sră nggal bơsram ală ơdŭ bơto pơlam gơnoar broă... Mờ kung tơnguh mhar tơngai bơt bơtàu mờ lam lơh geh cồng nha ală rơndap broă bơto bơtê pơgru lý luận chính trị nàng kờñ rơcang lài mpồl kuang bàng geh bơta niam uă.

Cau mblàng K’Duẩn