VOV4.K’ho- Mho ngai 01/12, tàm Hìu duh broă Đảng Dà lơgar dê, Mpồl kuang bàng ala măt Đảng he dê bơh ồng Võ Văn Thưởng- Ủy viên Ƀộ Chính trị, Duh broă sùm Ƀan Ƀí thư lam bồ neh tus bal Pơrjum pờ tơn tàm internet ală đảng dunia, bơh Đảng Lơgar Nga Tơrgùm dùl ăt gơnoar tàm lơgar Nga dê drơng lơh. Đơs tàm pơrjum, ồng Võ Văn Thưởng đơs nền, ring lơngai, lơh broă bal mờ bơtàu tơnguh pơn jăt tai là gùng lòt dờng tàm dunia; ală broă lơh gùt plai ù mờ lơh bal lơh sa dunia bulah tìp uă kal ke mơya pơn jăt tai bal mờ dơ̆ tam gơl bơh măy mok yau gơs măy mok pa 4.0 lơh gơlik geh bơta gơn kơnờm ai bơta bơtàu tơnguh in.

Ồng Võ Văn Thưởng kung cribơyai bè ală jơnau kờñ mờ gùng dà bơtàu tơnguh, broă lơh lơh broă mờ lơgar ndai bơh Việt Nam dê, ală cồng nha kuơmàng neh lơh geh, đơs sùm lơh broă mờ lơgar ndai Đảng dê là dùl tàm ală broă tờm bơh lơh broă mờ lơgar ndai lơgar Việt Nam dê mờ đơs nền bơta sền dờng màng gơwèt mờ bơta gĭt gơ̆p lơh broă bal jŏ jòng tơl làm đah Việt Nam mờ Nga mờ đah Đảng Cộng sản Việt Nam mờ Đảng Lơgar Nga tơrgùm dùl.

Cau mblàng Lơ Mu K’Yến