VOV4.K’ho - Mho òr (12/01), tàm Hìu lơh broa\ Đảng dà lơgar, ồng Võ Văn Thưởng, Atbồ Ban Tuyên giáo dà lơgar neh w\a rềp mềr Mpồl kuang bàng Đảng cộng sản lơgar Cuba bơh ồng Carlos Marsán, Phó kuang atbồ Ban lơh broa\ mờ  lơgar cau dà lơgar Cuba  lam bồ  neh geh dơ\ tus còp mờ lơh broa\ tàm lơgar Việt Nam.

Ồng Võ Văn Thưởng sồr 2 Đảng nhap nhar rcang tus ala\ broa\ lơh cri bơyai mpồl kuang bàng dờng màng tàm nam 2018, ngan la broa\ lơh tơng kah 45 nam ngai dơ\ tus còp kuơ màng kah yau bơh ồng Fidel Castro kuang atbồ lơgar Cuba  tus tiah geh tơng klàs đah jum lơgar Việt Nam (9/1973-9/2018).

Tàm tơngai còp Việt Nam,  mpồl neh mut còp gơlang bồt Bác Hồ, ơn guàng bơkàu rềng rùp  cau khin cha jak chàu kòn cau Cuba Jose Marti, lơh broa\ mờ Học viện Chính trị dà lơgar Hồ Chí Minh, Tạp chí Cộng sản, Bộ Ngoại giao, Mpồl tam klac ala\ mpồl git gơp Việt Nam,  Đòan ơruh pơnu Công sản Hồ Chí Minh dà lơgar, còp, lơh broa\ tàm [òn dờng Hồ Chí Minh mờ càr Ninh Bình.

                           Cau cih mờ yal tơnggit K’ Brọp