VOV4.K’ho- Ngai 01/4, Việt Nam dờp 811 rơbô 200 ding sơnơm vaccine kơryan kòp Covid-19 sơnrờp bơh Covax Facility mờ bơta dong kờl bơh  UNICEF, WHO, GAVI mờ CEPI, ală cau lơh gơlik sơnơm vaccine mờ ală lơgar lơh broă bal nàng gàr niam ală lơgar ndrờm geh ngui sơnơm vaccine dùl bă geh ring bal mờ geh cồng nha.

Tàm dơ̆ dờp sơnơm vaccine kơryan kòp Covid-19 tàm Hà Nội, ồng Vũ Đức Đam Phó Thủ tướng Chính phủ pơyoa jơnau ưn ngài ală lơgar mờ ală mpồl dunia neh dong kờl sơnơm vaccine kơryan kòp Covid-19 ai lơgar Việt Nam in, mơkung đơs nền Việt Nam ngan ngồn ngui geh cồng nha jat nùs nhơm ring bal sơnơm vaccine. Kờp dŭ, rlau 3 tơlak 300 rơbô ding sơnơm vaccine geh ngui tàm nhai 5 tus do, tơnơ̆ hơ̆, sơnơm vaccine geh pơn jat tai tam pà bal mờ ai lơgar Việt Nam in tàm lồi nam 2021.

Cau mblàng K’ Hạnh