VOV4.K’ho- Mho ngai 8/6, tàm Hìu Quốc hội dê, ồng Vương Đình Huệ- Chủ tịch Quốc hội neh cribơyai tàm điện thoại mờ mò Valentina Matvienko- Chủ tịch Hội đồng lơgar Nga. Ồng Vương Đình Huệ mờ mò Valentina Matvienko ndrờm đơs là, tàm tơngai do, gĭt gơ̆p chính trị đah 2 lơgar sùm geh lơh kơ̆ kơl jăp mờ bơtàu tơnguh niam bơnĕ tàm jơh ală gah broă lơh Đảng mờ Dà lơgar kung bè đah ală tiah, mpồl lơh sa kă bro mờ mpồl lơh broă mpồl bơtiàn bơh 2 lơgar dê.

Bàr nă kuang bàng đơng lam bồ đơs nền bal, là bulah bơta kòp Covid-19 lơh gơrềng tus rài lơh sa ală lơgar dê, mơya lơh broă bal tàm gah lơh sa, kă bro, bơcri priă đah Việt Nam mờ Nga geh bơta bơtàu tơnguh niam ngan. Di tàm dơ̆ do, ồng Vương Đình Huệ ưn ngài lơgar Nga neh pà Việt Nam in 1 rbô ding vaccine Sputnik V bơh bồ nam do mờ pa do neh hơ ai lài nàng Việt Nam in geh blơi 20 tơlak ding vaccine Sputnik V; đơs sùm Việt Nam kơ̆p kờñ lơh broă mờ lơgar Nga tàm gah bơto ngui công nghệ mờ lơh gơlik vaccine rơcăng sơndră kòp Covid-19 tàm lơgar Việt Nam.

Cau mblàng Lơ Mu K’Yến