VOV4.K’ho- Drim ngai 31/3, Quốc hội neh lơh gơs broă pồ Chủ tịch Quốc hội khóa 14, Chủ tịch Mpồl duh broă tĕ khà dà lơgar ala mò Nguyễn Thị Kim Ngân, cau neh geh Quốc hội tơn jơh at gơ noar broă. Mờ khà sră pồ ring bal uă, ồng Vương Đình Huệ, Ủy viên Bộ Chính trị, Bí thư Thành ủy Hà Nội, Kuang atbồ Mpồl kuang bàng Quốc hội ƀòn dờng Hà Nội neh geh Quốc hội pồ lơh Chủ tịch Quốc hội khóa 14, Chủ tịch Mpồl duh broă tĕ khà dà lơgar. Nghị quyết bè broă pồ ồng Vương Đình Huệ lơh Chủ tịch Quốc hôị kung geh ală kuang bàng Quốc hội pờ tê ring bal mờ khà 473 tàm 473 nă kuang bàng tus bal pờ tê ring bal (geh 98,54% tàm kờp jơh khà kuang bàng Quốc hội).

Đơs tơnơ̆ dơ̆ guh at gơnoar broă, Chủ tịch Quốc hội pa, ồng Vương Đình Huệ hơ pơrgon geh tă pơgồp jơh bơta pràn, bal mờ mpồl Ủy ban Thường vụ Quốc hội, ală anih lơh broă bơh Quốc hội dê mờ ală kuang bàng Quốc hội tàm pơ dờn, tơnguh bơhiàn niam bơnĕ mờ cồng nha dờng màng bơh Quốc hội dê bơh ală tŭ tơngai, pơn jat tai tam gơl pa broă lơh, tơnguh bơta niam, cồng nha lơh broă bơh Quốc hội dê tài jơnau kờñ dờng ngan rlau jơh là drơng bơta kuơ bơh dà lơgar, jơi bơtiàn, tài bơta lơngap lơngai làng bol dê.

Cau mblàng K’Duẩn