VOV4.K’ho- Mho ngai 20/7, Quốc hội neh lơh sir broă lơh pồ Chủ tịch Quốc hội khóa 15. Jat hơ̆, jơh 475 nă Kuang bàng Quốc hội tus bal pờ tê ring bal neh lơh dơ̆ pờ tê ring bal Nghị quyết pồ Chủ tịch Quốc hội. Bè hơ̆, Chủ tịch Quốc hội ồng Vương Đình Huệ geh pồ wơl at gơnoar broă Chủ tịch Quốc hội khoá 15 mờ khà ring bal jơh. Mờ gơnoar broă là Chủ tịch Quốc hội, ồng Vương Đình Huệ geh tă pơgồp jơh bơta pràn he dê, bal mờ Quốc hội, mpồl  Kuang bàng Ủy ban Thường vụ Quốc hội, ală anih lơh broă bơh Quốc hội mờ ală Kuang bàng Quốc hội, đòm jat mờ lơh jat bơhiàn niam bơnĕ 75 nam Quốc hội Việt Nam, pơn jat tai tam gơl pa gùng dà broă lơh, tơnguh uă bơta niam mờ geh cồng nha lơh broă bơh Quốc hội dê tài jơnau kờñ kuơ màng ngan rlau jơh drơng bơta kuơ bơh Dà lơgar, jơi bơtiàn, tài bơta chờ hờp bơh làng bol dê.

Ồng Vương Đình Huệ geh pồ wơl tai at gơnoar broă Chủ tịch Quốc hội

Jat broă lơh pơrjum dơ̆ 1, Quốc hội khoá 15, ngai do 21/7, Quốc hội lơh broă tàm hìu pơrjum cribơyai, pờ tê ring bal ală Nghị quyết pồ ală gơnoar broă bơh Ủy ban Thường vụ Quốc hội dê.

Cau mblàng K’Hạnh