VOV4.K’ho - Kung tàm dơ\ lòt còp ngan ngồn lơgar Brazil sơl, 2 ngai do, ồng Vương Đình Huệ, Phó Thủ tướng Chính phủ neh tìp mat cribơyai broă mờ ồng Michel Temer, Kuang atbồ lơgar Brazil; tìp mat mờ lơh broă mờ ồng Aloysio Nunes Ferreira, Bộ trưởng Bộ Ngoại giao; ồng Marcos Jorge Bộ trưởng Bộ Công nghiệp, Ngoại thương mờ Dịch vụ; ồng Blairo Maggi, Bộ trưởng Bộ Nông nghiệp, Ròng phan mờ kă bro mờ sền go\ bal dơ\ bơyai lơh ki\ ală sră nggal lơh broă bal đah 2 lơgar.

Phó Thủ tướng đơs uă, dơ\ lòt còp dơ\ do bơh Mpồl kuang bàng Việt Nam dê kờ` pơn jat tai gàr bơta gi\t gơ\p Cau lơh broă bal làm tơl mờ ală bơta đah 2 lơgar bơtàu tơnguh rlau tai. Kuang atbồ lơgar Brazil jờng rơ broă 2 lơgar sơlơ lơh broă bal tàm ală mpồl tàm tiah do mờ tàm dunia mờ kơ\p kờ` Việt Nam lơh kòn gùng ai Brazil in lơh broă lơh bal mờ mpồl bơtiàn ASEAN.

Di dơ\ lòt còp, bàr gah neh ki\ ală sră nggal lơh broă bal, tàm hơ\ geh: Hiệp định kấp Chính phủ bè lơh broă bal gah rơndeh par, Sră cih kah bè lơh broă bal lơh broă sa sươn sre mờ Sră cih kah bè lơh broă bal đah Phòng Thương mại mờ Công nghiệp Việt Nam mờ anih lơh broă hòi jà tăc phan mờ lơgar ndai mờ bơcri priă lơgar Brazil.

Cau mblàng Lơ Mu K’Yến