VOV4.K’ho- Tàm xã tiah sar lơgar ngài Krông Nô, kơnhoàl Lak, càr Dak lak, Đoàn Khối ală anih lơh broă mờ mpồl lơh sa kă bro càr Dak Lak pa bơyai lơh broă lơh hòi jà làng bol, mblàng yal dơ̆ tĕ khà Kuang bàng Quốc hội khoá 15 mờ Kuang bàng Hội đồng Nhân dân ală kấp tơngai lơh broă bơh nam 2021-2026.

Mblàng yal dơ̆ tĕ khà pơgồp bal mờ sền gàr rài kis mpồl bơtiàn tàm tiah sar lơgar ngài in

Tàm do, mpồl neh phàt sră, mblàng yal, yal tơngĭt tus mờ làng bol bè bơta kuơ, bơta dờng màng bơh dơ̆ tĕ khà dê. Bơyai lơh broă lơh tàm kờñ gơboh kòn bơnus, tài bơh bơta pràn kơl dang să jan mpồl bơtiàn, kham sơm kòp ờ sa priă ai làng bol kal ke in; koh siăt sŏ, koh nđias tê ai kơnòm rƀah in; phàt sră mblàng yal rcang sơn dră kòp sốt xuất huyết, viêm gan B. Pơlam tàp, tàm jàu bơta chài tam mờ sơng ka sền gàr tờm kơphê, tam zơu ròng tu ai 150 hìu bơnhă làng bol tàm tiah do in. Pà 10 bơnah priă  dong kờl bơsramRơndeh coh tus hìu bơsram mờ kờp priă rlau 15 tơlak đong ai 10 nă kơnòm bơsram jơi bơtiàn kòn cau sơr lèt gan kal ke bơsram jak in.

Cau mblàng Hạnh