VOV4.K’ho- Srơh jòi broă lơh ròng is să tờm sơnđờm mu\t lơh broă neh geh ală bơyô kơnòm kòn cau tàm Lâm Đồng lơh jat jơh nùs ngan, bal mờ ală broă lơh dipal mờ ù tiah [òn lơgar he dê, bơh sơnrờp neh lơh geh ală cồng nha ngan ngồn.

Bơh 3 nam sơnđờm mu\t lơh broă, bal mờ broă lơh tam biăp, bơkàu đòm jat ngui măy mok jak chài pa rài do dê, hìu bơnhă bi Touneh K’Sang neh geh phan sa phan prăp. Bi gam lơh geh tai broă lơh broă sa mờ dong ơruh pơnu tàm [òn geh tai priă jền nàng ngui sa tàm rài kis. Bi Touneh K’Sang, yal.

A` sơnđờm mu\t lơh broă bơh broă tam sơlăt, tam hành la ghim mờ phan tam ndai. Đơs bal là lơh kung ờ go\ kal ke ir sơl. Dilah ală oh mi lơi kờ` lùp bơsram bơta mờng chài mờ a` den a` tu\ lơi kung jơh nùs lơm mờ geh bơto pơlam bal ală oh mi in bơta mờng chài tàm broă lơh sa.

                                               Touneh K'Sang tàm sươn biăp sơlăt

Ai gơ wèt mờ bi K’Thị, ơm tàm xã N’Thol Hạ, kơnhoàl Đức Trọng, den bơh ală jơnau gi\t wa\ geh bơsram bơh tàm hìu bơsram Đại học Ngân hàng [òn dờng Hồ Chí Minh neh dong bi geh uă ngan bơta kuơ tàm broă sơnđờm jòi is broă lơh broă sa bơh broă lơh sơnđờm kă bro is phan lơh gơs bơh sươn sre. Ờ huan geh uă priă jền nàng lơh sa, K’Thị rwah he in dùl broă lơh hơ\ là lòt blơi ală phan lơh gơs bơh sươn sre, bè: kòi, phe, kơphê, ală khuah rbài ală bơta…bơh làng bol tàm [òn dê, tơnơ\ hơ\ rê lơh niam wơl mờ tăc mờ ală anih lơh sa dờng in. K’Thị yal, jòi broă lơh broă sa đơs ngan là kal ke ngan mơya ờ go\ tu\ lơi là jơla bulah he neh rlau lơh ờ di tu\.

Bơta mờ a` gơlơh wờl să ngan rlau jơh hơ\ là ờ hềt jòi geh broă lơh ròng is să tờm mờ a` neh gơ jă gơ jal jòi bau. Tu\ do, a` neh lơh geh is broă lơh broă sa nàng ròng să tờm, hìu bơnhă, mờ ờ duh là pal geh broă lơh di mờ gah he neh bơsram. Dilah geh jơnau gi\t wa\, geh priă jền nàng lơh sa kă bro den he pal lơh gơlik geh is broă lơh den là he geh rơcang geh tu\ jiơ niam rlau. Dilah bè he lơh tàm ală anih lơh broă dà lơgar den kung ờ gơtùi rơcang geh tu\ jiơ sơl. Jòi is broă lơh den he gơlơh niam rlau mờ he gơtùi bơceh broă lơh niam rlau…Cau lơi neh jơh bơsram mờ ờ hềt geh broă lơh den ba` muăt jrùm, mờ pal jòi is broă lơh ai he in. Mờ ngan ngồn là he geh broă lơh dipal mờ bơta lơi mờ he neh bơsram dilah he gi\t kong bòl glar lơh ngan pơđơl pràn rlau tai.

Tàm xã tiah sar lơgar ngài Phi Liêng, kơnhoàl Dam Rong, klau pơnu K’Thu tơnơ\ mờ tu\ neh jơh bơsram rê hờ [òn neh gi\t ngui bơta gi\t wa\ bơh tàm broă bơsram nàng sơngka sền gàr sươn kơphê, kau su hìu bơnhă he dê bơh tàm [òn lơgar tờm tơn.

Jơh bơsram a` rê hờ [òn lơgar ờ geh broă lơh mơya a` ờ go\ muăt jrùm, mờ a` neh gi\t ngui ală bơta gi\t wa\ mờ a` neh bơsram tàm hìu bơsram kung bè lùp bơsram tai ală broă lơh sa geh cồng nha uă bơh mi ndai dê. Tàm bă ù hìu bơnhă a` dê, a` sơngka sền gàr tờm kơphê, kau su mờ neh lơh geh cồng nha uă. Kơnờm bơh hơ\ mờ a` ờ mìng bơtàu tơnguh broă lơh sa lơm gời ờ mờ a` neh lơh geh broă lơh ai ơruh pơnu tàm [òn lơgar in pah tu\ ru broă lơh sươn mìr.

Bơta bal bơh ală bi K’Sang, K’Thị mờ K’Thu dê là ndrờm neh jơh bơsram cao đẳng, đại học. Ala tài jòi broă lơh tàm ală [òn dờng halà ơm kơ\p gơnoar atbồ tàm tiah he dê ai broă lơh, den ală bơyô do neh pờ tơlik is ai he in ală broă lơh sa ai să tờm he dê in, kơlôi tus broă lơh pas tàm [òn lơgar tờm he dê tơn.

Kung tàm ală [òn kòn cau K’ho dê sơl, geh ală cau bơyô kơnòm să bulah ờ geh bơsram sră uă, ờ geh priă jền mơya kung jòi geh gùng dà lơh sa, tu\ gi\t ngui niam bơta dong kờl bơh gơnoar atbồ tiah he dê mờ ală bơta pràn bơh kơnhoàl ù tiah [òn lơgar tờm he dê. Pơnrơ bè bi K’Híp ơm tàm xã N’Thol Hạ, kơnhoàl Đức Trọng. Ờ geh ù lơh sa, bơh dì rài kis pal lòt lơh broă apah sùm, bi neh khin cha apah ù tam phan tam ală bơta, hơ\ sồng geh gơnoar atbồ mờ đoàn ơruh pơnu tàm tiah do dong kờl, tu\ do bi neh lơh geh sươn biăp đòm jat bơta jak chài ngui măy mok pa rài do dê bơh să tờm is he dê.

A` ưn ngài ngan gơnoar atbồ tàm do neh sền gròi dong kờl ai ơruh pơnu in dùl gùng lơh sa. Nàng lơh gơtùi den bol a` kờ` ngan Đảng, Dà lơgar sền gròi dong kờl, ai càn priă, bơto yal bơta gi\t wa\ nàng bol a` bơtàu tơnguh lơh sa. Tài bơh gơ wèt mờ ơruh pơnu pa bau là cau kòn cau den ờ geh tơl ù lơh sa, mờ brê den dà lơgar ờ go\ ai mus tai…Tu\ do, den pal lơh ngan is pơđơl pràn, pal ngui bồ tơngoh kơlôi sơnơng nàng bơtàu tơnguh lơh sa…

Gi\t geh gùng dà broă lơh bơh Đảng mờ Dà lơgar dê hòi jà dong kờl sơnđờm mu\t lơh broă, klau pơnu K’ho là bi K’Brooke ơm tàm thôn Lăng Kú, xã Gung Ré, kơnhoàl Di Linh, càr Lâm Đồng neh tàm tơrgùm bal ală ơruh pơnu tàm [òn lơgar, mu\t lơh broă lơh phan lơh geh bơh sươn sre kloh KơhoFarm.

Oh sền swì wơl ală tờm chi tam, phan ròng bơh yau mò pàng he dê lời wơl nàng bơtờp sơntìl mờ lơh uă…bè iar, be, sur kòn cau bal mờ ù tiah neh geh lài tàm [òn lơgar, brê bơnơm neh geh bơh yau mờ kuơmàng là bơhiàn niam chài bơh mò pàng he dê lời wơl.

Oh lòt lùp bơsram tàm uă ngan tiah mờ sền go\ uă ngan cau kờ` sa phan sa kloh bơkah, sa phan sa kòn cau. Oh pin dờn là năc lòt nhơl geh kờ` phan bơna gơcèng mat phan kă bro “Bòn kòn cau K’ho” bè kơphê, phan ròng, plai chi kloh bơkah, ờdo ờdă phan sa, niam ròm să jan cau ngui sa in, lơh geh tiah ơm kis niam kơ\ kơl jăp jo\ jòng… pơn jat tai là bol oh wèt tus prăp gàr mờ ngui niam bơta kuơ niam chài bơh yau, bè ală dơ lơh yàng gơcèng bơta bơtòm tơrgùm tam klac bal uă nàng lơh nhơl chờ.

Bơh ală broă lơh sa ngan ngồn bơh ală klau pơnu ùr ơruh K’ho tàm Lâm Đồng dê pà go\, mờ bồ tơngoh jak, pràn kơnòm să mờ bơta lơh ngan jơh nùs jơh tồr brồ guh, tơl nă làng bol bol he ndrờm gơtùi să tờm is he dê jòi is gùng dà lơh sa, kă bro, dipal mờ bơta geh ngan tàm tiah he dê, ờ mìng klàs bơh r[ah mờ gam lơh pas tai ai hìu bơnhă mờ [òn lơgar in.

Cau mblàng Lơ Mu K’Yến