VOV4.K’ho- Lồi poh lài, dơ\ sơnrờp Sở điện lực càr Dak Lak bơyai lơh Dơ\ pơrlòng kuang bàng ờdo ờdă gah ồs đèng nam 2018. Khà dùl dơ\ pơrlòng neh gơ rê mờ Kỹ sư Lê Văn Nam, dùl nă kuang bàng gam lơh broă tàm gah ồs đèng kơnhoàl Cư\ Kui`.

Tus bal dơ\ pơrlòng do geh 15 nă kỹ sư gam lơh broă gah broă lơh ờdo ờdă lơh kơnòl broă sùm, ala mat ai 14 gah lơh ồs đèng gơ wèt bal in mờ dùl Xí nghiệp lơh gơlik phan ngui đèng gơ wèt Công ty Ồs đèng Dak Lak dê.

Ală cau pơrlòng neh pal sơrlèt gan 3 bơnah pơrlòng: hơ jơnau lùp trắc nghiệm tàm măy tính bè jơnau gi\t wa\ ờdo ờdă kloh niam lơh broă gah ồs đèng; đơs mờ hơ jơnau lùp bè ală rùp hin, clip ai lơh pơnyơu jơnau digơlan gơ aniai gah ồs đèng; mờ hơ tơn jơnau lùp bơh ală cau tàm mpồl ai điềm dê bè jơnau gi\t wa\ bal tàm gah broă lơh ồs đèng.

Dơ\ pơrlòng nàng kờ` tơnguh uă jơnau gi\t wa\ geh kơnòl bơh kuang bàng, công nhân viên dê bè broă lơh ờdo ờdă kloh niam lơh broă, kuơmàng tơngo\ uă kơnòl broă lơh jat wil tơl ală broă lơh ờdo ờdă ai cau lơh broă in.

Digơlan 3 nă cau ai geh khà jờng jơnhoa ngan rlau jơh tàm dơ\ pơrlòng geh ala mat ai Công ty Ồs đèng Dak Lak in lòt pơrlòng dơ\ pơrlòng kuang bàng ờdo ờdă gah ồs đèng tiah tàm gùl lơgar mờ Tây Nguyên rơcang lơh tàm lồi nam do tàm [òn dờng Đà Nẵng.

Cau mblàng Lơ Mu K’Yến