VOV4.K’ho-Ngui niam bơta rơcang lài, bơceh pa mờ gơ jat bal kơnòl broă ờs mờng tàm broă lơh mờ srơh tàm pơrlòng “Bơceh pa tam gơl pa kỹ thuật lơh dipal lơh sa”, tơngai lài, kuang bàng, công nhân Công ty Ồs đèng Dak Lak neh geh uă broă bơceh pa, tam gơl pa kỹ thuật geh bơta kuơ ngui mờ priă jền uă, pơgồp bơnah tơnguh jơnhoa cồng nha broă lơh lơh sa, kă bro.

NuLec là dùl nơm măy koh mờ     tơn chơ\t đèng chân không rài pa, geh tàm tơrbo\ bal mờ tiah tờm đơng pơlam nàng pờ mờ tơn chơ\t đèng bơh nmgài, geh ồs đèng Dak Lak dê crăp uă tàm ală trạm biến áp tàm gùt càr. Là măy mok blơi bơh lơgar ndai, tàm drà ờ hềt geh phan ala den dilah gơtìp ờ niam uă ngan là ơniam gùng jun đèng, den măy mok geh gơ gơs ờ kuơ tai, lơh pơhì pơhà gi\t nđờ rhiang tơlak priă.

Nàng tơrmù jơnau dàng mờ bơcah tàm gùng jun- tìs uă ngan lơh ờ niam măy tơn chơ\t đèng, bi Phạm Hữu Huỳnh, công nhân Xí nghiệp Điện Cơ gơ wèt Công ty Ồs đèng Dak Lak dê neh geh broă bơceh lơh sơrbì bơnah ren đùh tàm gùng jun đèng tơnơ\ hơ\ mòn mờ tê dùl nơm ding dă mờ kim loại.

Bi Phạm Hữu Huỳnh, công nhân Xí nghiệp Điện Cơ, Công ty Ồs đèng Dak Lak kềng măy koh- tơn chơ\t đèng Nulec

Mờ broă bơceh lơh do, măy tơn chơ\t đèng NuLec neh geh crăp tơn jo\ tơngai ngui mờ pờ kơ\ kơl jăp tàm ală gùng che đèng càr Dak Lak dê bơh nam 2016 tus tu\ do.

“Măy tơn chơ\t đèng tàm ală tu\ ngui den geh gơtìp ờ niam gơ ờ gơtùi tơn chơ\t đèng tu\ he kờ` tơn chơ\t đèng den gơ ờ go\ koh bè hơ\ là ờ lơh geh bơta niam ờdo ờdă tu\ ngui ală gùng che ồs đèng, den tàng tu\ jun rê he sền go\ geh jơnau hơ\. Tàm drà ờ gehy măy ala den tàng a` kơlôi pal lơh bè lơi nàng bơsong ala geh tềng anih ờ niam lài do mơya kung gam lơh geh bơnah ko\ng pràn đèng gơ rềng tus mờ kơryan đèng nàng măy gơtùi ngui lơh broă ờdo ờdă jo\ jòng”.

Dùl broă bơceh lơh ndai tàm Công ty Ồs đèng Dak Lak dê, pơgồp bơnah lơh niam wơl bơta lơh broă ai công nhân lơh tơrlòng gah đèng in là “Mòn măy chuyển nấc phân áp bơh ngài tàm broă lơh tơrlòng lài Măy biến áp” bơh kỹ sư Lưu Công Vĩnh dê. Lơh broă tàm Mpồl lơh tơrlòng lài mờ lơh niam wơl, Xí nghiệp Điện Cơ, Công ty Ồs đèng Dak Lak bơh nam 2010, bi Vĩnh mhar ngan sền go\ broă đo măy biến áp mờ tê pal kờ` geh tus 2 nă cau mờ roh ngan tu\ jiơ. Dơ\ lơi măy rê tus uă lơh niam wơl ờ thàn là broă gam sùm uă ngan.

Tu\ do, mờ măy chuyến nấc phân áp bơh ngài, ala tài 2 nă cau lơh ngan sùm bơh 10 tus 15 phuk hoài che đo 1 nơm măy bè lài, den tu\ do mìng mờ dùl broă lơh [ươn ngan là tơl ơ\t tềng bảng pơlam điện tử bơh ngài mờ mìng roh 1 phuk lơm. Bơh tu\ geh dờp mờ ngui ngan ngồn tàm nam 2017, Xí nghiệp neh lơh tơrlòng lài geh 500 nơm măy biến áp tàm kờp jơh rlau 1.230 nơm măy, lơh geh bơta sơrbac mhar, geh cồng nha, dipal mờ ờdo ờdă, tơrmù geh nggùl nă cau lơh broă pơndrờm mờ lài.

“Tu\ a` rê tàm do, den a` sền go\ 2 nă cau lơh dùl nă cau jun, dùl nă cau đo, broă jun roh uă ngan cau lơh broă, tàm tu\ ală gơnru măy pa rê uă ngan, geh tu\ là uă tus rhiang nơm măy tơn, den tàng sồr pal lơh niam wơl mhar, gơ sồr pal ngui 1 nơm măy mok lơi hơ\ tàm do nàng lơh ala dùl broă lơi hơ\.

Tàm tu\ broă đo dùl đah mờ khà tam gơl là jo\ ngan. Cau đo pal jun jơh ală nấc nàng đo den tàng broă lơh do pal ngui măy mok lơh. Tu\ ngui măy mok a` neh kơlôi tus ngui ală măy pơlam rơndăp lơh nàng bơsong bơta hơ\. Tơnơ\ tu\ ngui broă lơh do, den gơguh cồng nha lơh broă mờ gơmù geh cau lơh broă”.

Bi Lưu Công Vĩnh , kỹ sư Mpồl lơh tơrlòng lài mờ lơh niam wơl măy mok, Xí nghiệp Điện Cơ, Công ty Ồs đèng Dak Lak gam lơh broă tàm măy đo biến áp 

Jat ồng Tạ Minh, Phó Giám đốc Công ty Ồs đèng Dak Lak dê yal, srơh “Bơceh pa tam gơl pa kỹ thuật lơh dipal lơh sa” geh lam lơh làm uă mờ ngan ngồn neh gơ gơs là srơh tàm pơrlòng duh hồl tàm mpồl lơh sa kă bro, mờ rlau 250 broă bơceh lơh tam gơl pa kỹ thuật geh dờp bơh nam 2010 tus tu\ do.

Uă broă bơceh lơh tam gơl pa kỹ thuật geh lơh, ngui tàm broă lơh sa ngan ngồn neh lơh geh cồng nha niam ngan, dong tềm pềr geh uă ngan priă tă lơh mờ tu\ jiơ. Do kung là cồng nha bơh ală tu\ tơngai broă lơh kơ\ nùs bơ\t bơtàu tiah lơh broă bơceh pa bơh tơl nă kuang bàng, cau lơh broă tàm công ty dê.

“Tàm srơh tàm pơrlòng kờ` gơboh dà lơgar, Công ty Ồs đèng Dak Lak bol a` sùm lơh mờ bơtàu tơnguh srơh bơceh pa tam gơl pa kỹ thuật. Kuơmàng là broă bơceh lơh bơh mpồl cau kỹ sư, công nhân să tờm lơh broă dê. Bàr pe broă bơceh lơh pơgồp bơnah lơh tam gơl pa măy mok lơh sa kung bè tơnguh uă cồng nha lơh broă ai công nhân in mờ bàr pe broă bơceh lơh sền gròi lơh niam wơl tus anih lơh broă lơh geh bơta ờdo ờdă pràn kơldang să jan ai công nhân in. Srơh bơceh pa geh lơh sùm uă nam do. Tơngai tus, jat tàm ală srơh lơh sùm, công ty bol a` geh pơn jat tai lam lơh srơh bơceh pa tam gơl pa kỹ thuật uă rlau tai”.

Srơh “Bơceh pa tam gơl pa kỹ thuật” geh lơh tàm Công ty Ồs đèng Dak Lak neh gơcèng wơl uă cồng nha geh kuơ ngan. Srơh neh lơh geh wơl tàm tơl nă kuang bàng, công nhân nùs kờ` tă pơgồp jơh pràn he dê ai broă lơh in, lơh gơlik uă broă bơceh pa drơng broă lơh ờs mờng, pơgồp bơnah tơnguh uă cồng nha lơh sa, bơta niam broă lơh tàm anih lơh broă he dê.

Cau mblàng Lơ Mu K’Yến