VOV4.K’ho – Bơh Trung tâm sền gròi cau ngui đèng mờ tổng đài 1900.1909, kong ti ồs đèng Daklaềnnh dờp mờ bơsong mhar ală jơnau sồr, jơnau yal bơh cau ngui đèng tàm càr dê. Bơh hơ\, pơgồp bơnah tơnguh cồng nha drơng cau ngui đèng bơh gah ồs đèng dê:

Tềng đap mpồng hìu bơh hìu bơnhă mò Vũ Thị Dương Liễu, ơm tàm sơnah [òn Tự An, [òn dờng Buôn Ma Thuột, càr Daklak dê, geh uă tờm chi geh tam kềng 2 gah gùng. Tàm nhai mìu, tờm chi [uơn ngan gơtìp pừ, di tàm gùng che đèng, lơh roh bơta ờ do ờ dă. Mò Liễu pà git, lài do, pah tu\ gơlik geh bơta ờ niam bè đèng, ngan là tàm trồ mang, sùm kal ke ngan nàng yal mờ mpồl atbồ kờ` bơsong, lơh niam wơl. Den tàng, jơh dùl [òn pal kong bơta ờ geh đèng jơh mang, mờ pal tus ngai tơnơ\, tơnơ\ tu\ làng bol tus yal tơn tàm hìu lơh broă mpồl atbồ ồs đèng dê den hơ\ sồng gơtùi lơh niam wơl.

Bu\lah bè hơ\, bơh tu\ git tus Trung tâm sền gròi cau ngui đèng bơh gah ồs đèng dê mờ sồ điện thoại 1900.1909, pah tu\ geh bơta ờ niam gơ rềng tus đèng, làng bol gơtùi hòi tus Trung tâm nàng yal mờ geh bơsong mhar ngan. Kơnờm bơh hơ\, broă ngui đèng geh gàr niam bơta ờ do ờ dă mờ geh pờ sùm: “Tềng đap hìu a` dê geh 1 tờm chi dờng, sùm tu\ nhai mìu tus den ntê chi gơ di tềng gùng che đèng lòt gam mờ kung gơlik geh bơta ờ niam. Mờ tu\ gơlik geh bơta ờ niam bè hơ\ den a` hòi tus sồ điện thoại bơh tổng đài kong ti ồs đèng dê là 1900.1909 den oh mi tus mhar ngan, lòt sền mờ lơh niam wơl mhar ngan mờ lơh broă jơh nùs ngan.”

Tổng đài 1900.1909 là sồ điện thoại hòi tus Trung tâm sền gròi cau ngui đèng bơh Tổng kong ti ồs đèng tiah tàm gùl lơgar dê, lơh broă bơh nhai 8 nam 2015 tus tu\ do. Cau ngui đèng bơh 13 càr, [òn dờng gơwèt tiah tàm gùl lơgar mờ Tây Nguyên tu\ kờ` geh yal bè ală broă drơng ala, jơnau tơnggit mờ geh jơnau lơi kờ` lùp gơ rềng tus broă ngui đèng ndrờm gơtùi hòi tus sồ do. Jat tơr gùm kờp, tàm nam 2017, tổng đài 1900.1909 neh dờp mờr 900 rbô dơ\ hòi bơh cau ngui đèng dê, gơguh 162% pơn drờm mờ nam 2016. Tàm khà do, khà dơ\ hìu điện thoại bơh cau ngui đèng bơh Kong ti ồs đèng Daklak atbồ sùm lam lài tàm khà ală kong ti ồs đèng, bal mờ rlau 46 rbô 300 dơ\ hòi.

Ồng Lê Hoài Nhơn, Phó Kuang atbồ Kong ti ồs đèng Daklak pà git, kong ti tu\ do gam atbồ mờ tac đèng rlau 517 rbô nă cau in. Tu\ do, khà cau ngui đèng git tus mờ hòi điện thoại yal jơnau kờ` bơh tổng đài ngai sơlơ uă.

Tàm 6 nhai bồ nam do, cau ngui đèng tàm càr neh geh mờr 79 rbô dơ\ hòi tus tổng đài, gơguh uă rlau 2 dơ\ pơn drờm mờ nam lài. Ală jơnau sồr uă ngan di ală broă: Dờp mờ bơsong bơta chơt đèng, yal jơnau tơnggit, bơsong jơnau sồr pờ đèng, sồr jòi kơlôi sơnơng jơnau yal.

Bơh broă dờp jơnau yal bơh Trung tâm, uă jơnau sồr bơh cau ngui đèng tàm càr dê neh geh dờp mờ bơsong 1 bă mhar ngan rlau jơh, ai geh bơta [uơn cau ngui đèng in. Bơh hơ\, dờp geh jơnau yal wơl niam ngan bơh uă cau ngui đèng dê: “Gơwèt mờ trung tâm sền gròi cau ngui đèng den cau ngui đèng gơtùi ơm tàm hìu nàng hòi điện thoại halà dilah cau ngui đèng geh mai\ tính geh tơrbo\ internet den kung gơtùi boh bơr mờ bol a` bơh internet do mờ ală jơnau sồr bơh cau ngui đèng dê ndrờm geh bơsong. Mờ ngan là tàm tu\ bơsong den bol a` kung pal geh jơnau kờ` bè tu\ jiơ uă ngan rlau jơh mờ gah ồs đèng pal bơsong jơnau sồr cau ngui đèng dê là kàr lơi den bol a` kung pal lơh jat bơta hơ\.”

         Cau mblàng K’Duẩn