VOV4.K’ho - Di satềp Trung thu, drim òr (20/09), Đoàn ơruh pơnu Cộng sản Hồ Chí Minh dà lơgar, Mpồl tam klăc ơruh pơnu Việt Nam mờ Mpồl cau lơh sơnơm kơnòm să Việt Nam pà Thành đoàn Hà Nội mờ Mpồl cau lơh sơnơm kơnòm să Hà Nội 1 rơbô 500 nơm ƀañ Trung thu nàng pơyoa ală y, bác sĩ gam lơh jăt kơnòl tam dră mờ kòp gơtờp mờ 100 “kơl dung sơnơm F0”, drơng broă ai broă sơm kòp cau kòp tàm Hà Nội in.

Bơh ngai 12 nhai 9 tus ngai 20 nhai 9, ală kuang bàng bơh Đoàn ơruh pơnu Cộng sản Hồ Chí Minh dà lơgar, Mpồl Tam klăc ơruh pơnu Việt Nam mờ mpồl cau lơh broă nùs nhơm dong kờl kung neh lơh 12 rơbô nơm ƀañ Trung thu nàng pà tus ală y, bác sĩ tàm tiah sơnrờp tam dră mờ kòp gơtờp tàm ală tiah in. Pal kah ngan, tàm poh lài, tàm ƀòn dờng Hồ Chí Minh, Mpồl cau lơh sơnơm kơnòm să Việt Nam pơn jăt tai pà 3 rơbô “kơl dung sơnơm F0” mờ ƀañ Trung thu ai cau kòp Covid-19 sơm kòp tàm hìu in, mờ kờp geh mờr 800 rơbô đong tàm 1 kơl dung. Mpồl cau lơh sơnơm kơnòm să Việt Nam kung pơn jăt tai dong kờl 50 nă y, bác sĩ tam dră mờ kòp geh pơnrơ ngan, rài kis kal ke, tơl nă geh 10 tơlăk đong, tàm hơ̆ Hà Nội geh 10 nă y, bác sĩ.

Cau mblàng Ndong Brawl