VOV4.K’ho – Mho òr (26/1), Chủ tịch lơgar, ồng Trần Đại Quang neh ki\ Quyết định pà khà jờng Huân chương Lao động khà Dùl ai Mpồl coh plai U23 Việt Nam in; Huân chương Lao động khà 3 ai cau kup gôn Bùi Tiến Dũng in mờ tiền vệ Nguyễn Quang Hải in, neh geh cồng nha pơr lòng jak ngan tàm dơ\ pơr lòng coh plai cau klau U23 châu Á nam 2018 bơyai lơh tàm lơgar Lo.

Chủ tịch lơgar kung neh ki\ Quyết định pà Huân chương Lao động khà 3 ai cau pơlam coh plai, ồng Park Hang-seo (cau lơgar Hàn Quốc) neh geh cồng nha jak ngan tàm broă pơlam tàp, đơng lam mpồl coh plai U23 Việt Nam pơr lòng jak ngan.

Lài hơ\, Thủ tướng Chính phủ neh geh kơrnuat pà Bằng khen ai 31 nă cau tàm Mpồl coh plai U23 Việt Nam in, tàm hơ\ 21 nă cau coh plai geh pà Bằng khen tài cồng nha pơr lòng jak ngan; 10 nă kuang bàng, geh kuang atbồ mpồl, cau pơlam tàp coh plai, Kuang atbố kỹ thuật, cau mblàng dà đơs, bác sĩ bơh Mpồl coh plai dê geh pà Bằng khen tài geh cồng nha jak ngan tàm broă pơlam tàp, đơng lam… Thủ tướng Nguyễn Xuân Phúc neh geh sră pơyua cau pơlam coh plai, ồng Park Hang-seo, Mpồl pơlam tàp mờ ală cau tàm mpồl coh plai U23 Việt Nam lài mờ dơ\ pơr lòng coh plai dar dut ndơl geh lơh tàm tu\ 3 jiơ mho do, 27/1. Thủ tướng tơngkah ală cau tàm mpồl coh plai, kơ\ nùs te\, pin dờn te\, pơr lòng jơh pràn tài bơh bùng bi dà lơgar Việt Nam kờ` gơboh dê.

                                                       Cau cih mờ yal mờ tơnggit K’Duẩn