VOV4.K’ho - Nàng gàr niam ồs đèng tàm ală dơ̆ satềp Tây mờ satềp he Ñâm Zần nam 2022, tập đoàn Điện lực Việt Nam (EVN) sồr ală mpồl lơh broă bañ lơh jăt ală broă pal ơm, tơmù broă ai ồs đèng lơh chơ̆t ồs đèng cau ngui, mìng ờ kờp bơsong bơta gơtìp tàm ală ngai satềp Tây (bơh 12 jơ mang ngai 31/12/2021 tus jơh 12 jơ mang ngai 03/01/2022), Satềp he Ñâm Zần 2022 (bơh 12 jơ mang ngai 30/01/2022 tus jơh 12 jơ mang ngai 03/02/2022).

Bal mờ broă bơyai lơh sền gàr, đơng lam, lam lơh niam ồs đèng ngai kung bè mang tàm ală ngai chờ dờng, satềp, EVN sồr ală mpồl lơh broă rơcang tơl phan lơh broă, jơnau yal mờ phan lòt rê, tŭ lơi kung rơcang bơsong mhar ală bơta gơtìp ờ niam. Pal kah sền gròi tus mờ broă dong kờl phan, nùs nhơm ai mpồl lơh broă sền gàr tàm satềp Tây mờ satềp he nam 2022. Tàm broă lơh jăt, pal kah lơh jăt ală broă rơcang sơndră mờ kòp Kovid-19 jăt jơnau đơng lam bơh Ƀộ Y tế, ală anih lơh broă geh gơnoar tàm ală tiah mờ jơnau đơng lam bơh EVN dê.

Cau mblàng Ndong Brawl