VOV4.K’ho- Mho òr 14/11, tàm lơgar Singapore, Thủ tướng Nguyễn Xuân Phúc neh tus bal Pơrjum kấp kuang bàng dờng màng dơ\ 2 ală lơgar tus bal cribơyai Hiệp định Lơh broă bal lơh sa làm tơl mờ ală bơta tiah do dê (RCEP), tàm hơ\ geh 10 lơgar tàm mpồl ASEAN mờ ală lơgar: Australia, Lo, Ấn Độ, Nhờk, Hàn Quốc, New Zealand.

Tàm dơ\ Pơrjum, ală Kuang đơng lam bồ neh ring bal Jơnau yal bơr bal bè cribơyai Hiệp định RCEP, tàm hơ\ jờng rơ bơta gơguh jak kuơmàng lơh geh tàm nam 2018 mờ đơs nền công do neh ai dơ\ cribơyai gơlòt mu\t tàm tơngai du\t ndơl.

Ală Kuang đơng lam bồ đơs nền tai bơta lơh ngan jơh nùs tơn jơh cribơyai nàng lơh geh dùl hiệp định kă bro khat gơboh pa, làm tơl mờ ală bơta, niam ngan mờ gơcèng wơl bơta kuơ ai jơh ală gah in tàm nam 2019 nàng kờ` dong bơtàu tơnguh kă bro mờ bơcri priă tàm jơh gùt ù tiah do, pơgồp bơnah dong gơguh tai lơh sa mờ bơtàu tơnguh tàm gùt plai ù. Đơs tàm dơ\ pơrjum, Thủ tướng đơs là, do là tơngai nàng lơh ngan tơn jơh cribơyai RCEP.

Cau mblàng Lơ Mu K’Yến