VOV4.K’ho- Ồng Phạm Minh Chính Thủ tướng Chính phủ pa sồr, pal tam gơl broă ngui công nghệ tàm broă rcang sơndră kòp Covid-19. Jat hơ̆, ală ứng dụng neh geh Bộ Thông tin mờ Truyền thông jàu ală mpồl lơh sa kă bro công nghệ tàm lơgar in bơt bơtàu tàm tơngai pa do, geh gơ gơs là ală phan ngui sồr pal crăp tơmŭt tàm điện thoại ngăc ngar bơh cau ngui dê tŭ tus ală tiah tơrgùm uă cau, pơgồp bơnah sền gĭt cau ơm rềp, tơrmù ƀà broă pal ơm yah ngài mờ jòi gĭt tiah lòt rê uă  bơh cau F1 mờ F2 dê bè tŭ do.

Thủ tướng Chính phủ ồng Phạm Minh Chính

Tus do, Bộ Y tế geh ngui sră nggal cih bè broă sồr pal crăp tơmŭt ală ứng dụng, nàng rcang sơndră kòp Covid-19. Tơnơ̆ dơ̆ pơrjum pờ tơlik tơn tàm internet ngai 26/5 mờ 2 càr Bắc Ninh mờ Bắc Giang mờ kuơ màng ngan tơnơ̆ tŭ geh jơnau sồr bơh Thủ tướng Chính phủ dê bè broă tơnguh ngui ứng dụng công nghệ thông tin tàm broă lơh rcang sơndră kòp Covid-19, Bộ Thông tin mờ Truyền thông neh dan, sồr pal cài đặt bàr pe ứng dụng lơh geh tàm Việt Nam.

Cau mblàng K’Hạnh