VOV4.K’ho - Càr Dak Lak neh ai ngui mờ lơh broă hìu sơnơm ing sồ 1 drơng broă sơm kòp ai ală cau kòp Covid-19 geh tơngŏ kòp di mơ in. Hìu sơnơm ing ngui hìu bal mờ phan lơh broă bơh 3 hìu ơm bal bơh hìu bơsram Cao đẳng Sư phạm càr Dak Lak, kờp jơh geh 180 jơdŭ mờ 1000 nơm jơnờng piam kòp.

     Pe ròt hìu ơm bal bơh hiù bơsram Cao đẳng Sư Phạm Dak Lak geh ngui nàng lơh hìu sơnơm ing sồ 1

Bác sĩ Nguyễn Ngọc Thịnh, Kuang atbồ hìu sơnơm ing sồ 1 pà gĭt, nàng hìu sơnơm gờñ lơh broă geh broă dong kờl uă ngan bơh gah lơh ồs đèng càr Dak Lak dê: “Dờp hìu ơm bal bol añ sền wơl den ồs đèng, dà tàm do neh ờ niam tai uă ngan. Bol añ neh kơnờm mờ broă pơgồp bal bơh Công ty điện lực Dak Lak ai oh mi công nhân tus dong kờl; mờ kung ala anih biến áp nàng tơnguh bơta pràn ngui ồs đèng ai hìu sơnơm ing in. Dơ̆ bàr là công ty kung ai bol añ yòng 1 nơm măi pờ tơlĭk ồs đèng rơcang lài nàng rơcang tŭ ồs đèng gơtìp chơ̆t ni sơna, pleh mờ bơta lơh ờ niam tus mờ broă kham, sơm kòp”.

Cau mblàng Ndong Brawl