VOV4.K’ho - Công ty Điện lực Dak Nông pa bơyai lơh dơ̆ bơsram bơdìh hìu bơsram nàng lam sồr tềm pềr ồs đèng mờ niam ờ do ờ dă tàm hìu bơsram, mờ tơngu me “Kơnòm bơsram mờ jơnau gĭt wă tềm pềr ồs đèng, niam ờ do ờ dă ồs đèng, broă lơh drơng ala điện tử” tàm hìu bơsram cấp 1 Nguyễn Bá Ngọc (ƀòn dờng Gia Nghĩa).

 Kơnòm bơsram tus bal tàm broă ngui ồs đèng niam ờ do ờ dă mờ tềm pềr

PC Dak Nông pà 30 tơlăk đong ai hìu bơsram  kấp dùl Nguyễn Bá Ngọc in

Tàm dơ̆ bơsram bơdìh hìu bơsram, kơnòm bơsram geh lam sồr, pơlam, yal jơnau gĭt wă bè ngui ồs đèng, ai sră lam sồr tềm pềr ồs đèng. Ală kơnòm bơsram kung tus bal tàm broă lùp mờ hơ bè: broă ngui ală phan ồs đèng tàm hìu nhă bè lơi niam ờ do ờ dă, tềm pềr, tơngai geh uă cau ngui tàm ngai bè broă ngui ồs đèng...

Di tàm dơ̆ do, Cộng ty Điện lực Dak Nông neh jào pà 30 tơlăk đong ai hìu bơsram cấp 1 Nguyễn Bá Ngọc in nàng khoàng tơrlung dà drơng tàm broă bơto mờ bơsram. Jăt rơndăp broă geh ai, tàm nhai 4 mờ nhai 5 nam 2021, PC Dak Nông geh pơgồp bal mờ Sở Giáo dục mờ Đào tạo càr Dak Nông bơyai lơh tai uă broă lơh hờ bơdìh hìu bơsram ngui ồs đèng tềm pềr mờ niam ờ do ờ dă tàm ală hìu bơsram tàm càr in.

Cau mblàng Ndong Brawl