VOV4.K’ho- Ngan ngồn lòt bal mờ cau lơh broă tàm tiah lam lài rcang sơndră kòp Covid-19, Công ty Ồs đèng Dăk Nông pa jàu pà mờr 500 bồ phan soh sền gàr să jan gah lơh sơnơm in mờ kờp jơh khà priă rlau 65 tơlak đong ai Anih tờm gròi sền kòp tê jê să càr dê mờ ală Hìu sơnơm Gia Nghĩa, Dăk Song, Dăk Mil.

PC Dăk Nông lòt bal mờ cau lơh broă tàm tiah lam lài sơndră kòp

Lài hơ̆, tàm nhai 6, Công ty kung neh tus còp mờ pà Hìu sơnơm ƀòn dờng Gia Nghĩa, Hìu sơnơm sơnah ƀòn Nghĩa Tân 4 nơm măy đo was să jan, ală phan ngui lơh kloh khuẩn mờ uă chèu sơnơm. Bal mờ broă lơh jàu pà phan bơna, măy mok, sơnơm tơm ƀa lơh sơnơm, Ồs đèng Dăk Nông kung gam lam lơh ală broă lơh dơ̆ lĕ bal gàr niam broă pờ đèng ai 155 hìu sơnơm in, ală tiah ai ơm yah ngài tơrgùm bal tàm càr dê. Geh gĭt bơh tŭ kòp Covid-19 bơtờp tus tŭ do, PC Dăk Nông sùm lơh ngan, rcang lài, lơh sùm uă broă lơh wèt tus mờ mpồl bơtiàn, sơm bat tê bal rcang sơndră kòp, tă pơgồp dong kờl tàm Kes priă vaccine mờ kờp jơh khà priă mờr 300 tơlak đong.

Cau mblàng K’Hạnh