VOV4.K’ho – Rơcang lài broă lơh pờ đèng drơng dơ\ pơr lòng jơh bơsram kấp 3 dà lơgar nam do tàm càr, Kong ti ồs đèng Daklak neh lơh broă mờ Sở Giáo dục mờ Đào tạo, git mat ală anih, mpồl lơh broă thường trực Hội đồng pơr lòng, ală anih photo jơnau lùp pơr lòng mờ ai điểm pơr lòng. Bơh hơ\, đơng lam ală mpồl ồs đèng gơwèt Kong ti bơt bơtàu rơndap broă ngui mai\ pờ đèng, gùng che đèng, gàr niam broă pờ đèng ờ do ờ dă mờ geh lơh sùm.

Ồng Tạ Minh, Phó Kuang atbồ kỹ thuật, Kong ti ồs đèng Daklak pà git, kuang đơng lam kong ti neh tus bal tơn tàm Mpồl đơng lam dơ\ pơr lòng, sùm sồr ală mpồl lơh broă gơwèt kong ti lòt sền gùng che đèng, di tu\ lơh niam ală bơta nisơna gơlik geh tàm gùng che đèng nàng rơcang sơndră bơta aniai digơlan gơlik geh. Bal mờ hơ\, Kong ti ồs đèng Daklak kung sồr ală mpồl lơh broă rơcang tơl phan bơna rơcang lài, kung bè sơlơ ai cau lơh broă sùm pờ đèng, lơh broă sùm bơsong bơta ờ niam, gàr niam jơnau yal geh pờ tơlik sùm tàm jơh tơngai geh lơh pơrlòng:

“Kong ti ồs đèng Daklak kung geh tus bal tàm Mpồl đơng lam pơr lòng jơh bơsram kấp 3 dà lơgar càr dê mờ geh lòt sền broă lơh rơcang lài bơh ờ uă kơnhoàl dê. Mut lơh broă rơcang lài pờ đèng dơ\ pơr lòng in den kong ti neh yal tus ală mpồl ồs đèng ală tiah rơcang lài bơta pờ đèng niam ngan rlau jơh. Mơkung bơsong ală bơta ờ niam digơlan lơh gơbàn chơt đèng tàm dơ\ pơr lòng. Tu\ do broă rơcang lài bơh sơn rờp neh lơh jơh, ală mpồl ồs đèng ală kơnhoàl neh geh broă rơndap lơh rơcang lài dilah gơlik geh bơta ờ niam den geh bơsong mhar ngan rlau jơh mờ geh broă rơndap lơh pờ đèng rơcang lài, kờ` geh đèng sùm mờ ờ do ờ dă tàm jơh tơngai geh lơh pơr lòng.”

             Cau mblàng K’Duẩn