VOV4.K’ho- Jơh nùs tàm sơm băt tê bal rơcăng sơndră kòp mờ pơgồp bơnah tam pà bal ală kal ke mờ làng bol, tơngai do, Công ty Ồs đèng càr Dăk Nông neh lơh jăt broă lơh tơrmù giă đèng, tơrmù priă đèng ai ală cau gơtìp gơrềng tài bơh kòp Covid-19 in mờ kờp jơh priă jền là mờr 1 tơmàn 400 tơlak đong.

 PC Dăk Nông pà phe ai làng bol Dăk Song in

Công ty kung neh lơh uă broă lơh kơlôi tus ƀòn lơgar, bè: tă pơgồp priă jền dong kờl Kes priă Vaccine in 200 tơlak đong; jàu pà măy mok mờ phan ngui gah lơh sơnơm in ai ală hìu sơnơm in, ală anih gròi sền kòp bơtờp; lơh jăt broă khuàng dà tơrlung ai Hìu bơsram Kấp dùl Nguyễn Bá Ngọc in...

Ơruh pơnu lơh broă gah ồs đèng pà phan anih gròi sền rơcăng sơndră kòp bơtờp in

Kơno yal, kờp jơh priă mờ PC Dăk Nông lam lơh ală broă lơh sền gàr ờdo ờdă rài kis mpồl bơtiàn in, dong kờl làng bol tàm tơngai do là rlau 500 tơlak đong.

Cau mblàng Lơ Mu K’Yến