VOV4.K’ho - Mang ngai 20 nhai 8, Thủ tướng Chính phủ ồng Phạm Minh Chính neh geh dơ̆ cri bơyai tàm điện thoại mờ Chủ tịch, Kuang atbồ đơng lam Công ty Pfizer, ồng Albert Bourla bè broă lơh bal lơh sơnơm vaccine.

Thủ tướng Chính phủ ồng Phạm Minh Chính cri bơyai tàm điện thoại mờ Kuang atbồ đơng lam Công ty Pfizer

Thủ tướng ồng Phạm Minh Chính đơs tờm, Chính phủ lơgar Việt Nam gam lơh jăt pràn ngan broă lơh jŏ jòng sơnơm vaccine, lơh jăt broă cĭt sơnơm rơcang sơndră mờ kòp gùt lơgar nàng gơtùi geh jăt mờ jơnau kờñ tus bồ nam 2022 cĭt geh ai 70% khà kờp làng bol, gàr niam rài kis broă lơh sa mpồl bơtiàn ai làng bol in. Den tàng, Thủ tướng ồng Phạm Minh Chính hòi jà gah lơh sơnơm Pfizer ai lài, sền gròi mờ chồl mhar rơlao tai broă jào sơnơm vaccine ai lơgar Việt Nam in di jăt mờ ală broă lơh bal, ring bal. Chủ tịch Pfizer hơ geh lơh ngan jơh pràn, jòi tơl gùng dà broă lơh nàng chồl mhar broă jào sơnơm vaccine ai lơgar Việt Nam in tàm nhai 8, nhai 9 mờ tàm quý 4 nam 2021; tŭ lơi kung rơcang dong kờl lơgar Việt Nam geh dờp jào mờ ală broă lơh tam jào sơnơm vaccine ndai bơh ală lơgar; kờñ bal mờ Chính phủ lơgar Mỹ dong kờl lơgar Việt Nam bè sơnơm vaccine.

Cau mblàng Ndong Brawl