VOV4.K’ho- Pơn jat tai ală broă lơh tàm Mỹ, Chủ tịch lơgar ồng Nguyễn Xuân Phúc neh tus còp Công ty Pfizer, dùl tàm ală công ty sinh học lơh sơnơm lam lài dunia. Chủ tịch lơgar đơs niam ngan công ty Pfizer neh tàm jàu ai Việt Nam in rlau 2 tơlak 800 rơbô ding vaccine jat sră pơr gon tăc neh kĭ mờ Chính phủ Việt Nam, đơs ngan broă gàr niam khà vaccine tơl làm ờ mìng geh bơta kuơ màng ngan gơwèt mờ pràn kơl dang să jan bơh làng bol dê lơm, mờ gam dong gàr niam bơta kơ̆ kơl jap mờ bơtàu tơnguh lơh sa- mpồl bơtiàn.

Chủ tịch lơgar sồr Pfizer sền gròi mờ sơlơ tơnguh khà vaccine Pfizer ai Việt Nam in gờñ ngan rlau jơh tàm nhai 9 nam do mờ jàu jơh tàm nam 2021 jat sră pơrgon blơi 31 tơlak ding vaccine mờ 2 gah neh kĭ hơ; gờñ lơh ngan ngồn broă lơh nàng tàm jàu gờñ ngan rlau jơh vaccine ai kơnòm dềt bơh 12 tus 18 sơnam in. Pfizer hơ ai Việt Nam in tàm nam do tơl 31 tơlak ding vaccine rcang sơndră kòp ai cau dờng in mờ kung geh 20 tơlak ding vaccine ai kơnòm dềt in tŭ Pfizer geh tơl dữ liệu bè cồng nha mờ bơta ờdo ờdă bơh vaccine dê.

Cau mblàng K’Hạnh